DILI - Governu Presiza hapara ema estranjeiru neebe mai ho visa turista hodi halo negosiu iha rai laran, atu nunee labele fo impaktu ba Timor oan sira.
Membru Parlamentu Nasional husi bankada CNRT Domingos Carvalho de Araujo hatete, governu liu husi Sekertariu Estadu Seguransa Dirasaun Imigrasaun atu hapara ema estranjeiru neebe mai ho visa turista halo negosiu iha rai laran, hodi fo impaktu ladiak ba ema Timor oan sira.
Hau husu ba ita nia Governu para atu hapara ona ema estranjeru sira neebe mak tama mai ho visa turista, tamba ita hare mai taka visa turista, mais realidade mai to iha nee, laos atu turista fali maibee mai hela metin tia ona iha nee,” dehan deputadu Domingos ba STL, iha Uma Fukun Parlamentu Nasional, Sesta (21/08/2015).
Nia haktuir tan katak, ema sira nee mai hola ema Timor oan, bainhira hola Timor oan konserteza nia mos hetan rai rohan ida ba nia.
Iha fatin hanesan Membru PN husi bankada PD, Paulino Monteiro hatete, Governu Presiza regula didiak ema estranjeiru liu-liu Xineza, tamba sira mai para investe, laos mai atu kasa osan lori hotu ba sira nia rai. Informasaun kompletu iha STL Jornal no STL Web, edisaun Sabado (22/8/2015). Carme Ximenes
Suara Timor Lorosae