DILI – Vise Presidente Bankada FRETILIN, deputadu Francisco Miranda Branco hatete, tuir lolos mina folin tun iha merkadu Internasional, Orsamentu Jeral Estadu nee mos nia total tenki hatun, tamba OJE kuaze mai husi osan mina nian.
Nia hatete presu mina rai nee tun iha merkadu Internasional,tuir lolos Timor tenki akomoda situasaun nee,hodi revei fali nia Orsamentu Jeral Estadu.
Nee rasional ho realidade ita hasoru mina folin tun, tuir lolos mina folin tun Orsamentu Jeral Estadu nee mos nia total ne tenki tun, tamba ita kuaze ke moris deit husi osan mina nian, se ita nafatin aumenta tan, entaun se sai kontra rutivu ba ita nia politiku dezemvolvimentu nasional no politik jestaun ba fundu mina rai nee,” dehan deputadu Francisco ba STL, iha PN, Dili, Sesta (21/08/2015).
Iha fatin hanesan Membru PN husi bankada Frente Mudansa Jorge da Conceição Teme hatete, fundu minarai hanesan baze atu bele halo dezemvolvimentu, maibee Kuaze 95% Orsamentu Jeral Estadu mai husi fundu minarai.
Nunee mos membru PN husi bankada CNRT Domingos Carvalho de Araujo hatete, OJE mai husi mina Timor, maibee parte ida foti husi tasa rendimentu, purexemplu hanesan Turismu, sira bainhira hatama pedidu ba orsamentu tinan ida sira foti fila osan neebe mak sira hatama mai mak sira hodi utelija fila fali, nunee mos husi Alfandega no mos Imigrasaun. Informasaun kompletu iha STL Jornal no STL Web, edisaun Sabado (22/8/2015). Carme Ximenes
Suara Timor Lorosae