DILI - Governu Timor Leste sei hari Monumentu rezistensia iha Mujeum oin, hanesan sama Interna hodi fo nafatin naroman ba iha jerasaun foun sira, banate tuir buat neebe maka jerasaun tuan husik hela.
Tuir Fundador Falintil Mari Alkatiri katak, atu halo monumentu iha Muzeum oin hosi inisiativa rasik, oinsa atu tau ahi iha monument neebe atu hari nee nia laran, atu nunee bele fo naroman ba rai ida nee, no ahi nee laos atu sunu maibe atu fo malirin no ambiente diak ba Jerasaun foun sira.
Hau hanoin ona katak estadu hari monument ida maka ita hotu tenke hamotuk hodi buka dalan ida neebe diak, hodi hari monumentu nee iha tempu badak nia laran, tan nee bain hira atu hari monument ida ho naran sama interna maka, sei tau ahi neebe lakan rohan laek, no ahi nee atu lakan laos atu sunu, maibe ahi nee nia lakan atu fo naroman mai ita, tamba nee bain hira atu hari monument ida nee tenke ho criteria neebe maka lolos, atu nunee bele fo naroman ba rai ida nee,”dehan Fundador Falintil Mari Alkatiri liu hosi deskursu, Sesta (21/08/2015) iha Mozeum Rezistensia Caicoli, Dili.
Nia informa liun tan katak, rai ida atu kore aan hosi ema ida maka tenke iha mate no fakar ran maka foin hetan ukun rasik aan, tamba nee tenke fo homenajen ba Heroi sira neebe maka fakar ona sira nia aan ba rai ida nee, no ruin nakloke hodi sosa rai ida nee tan nee merese duni atu hari duni monument.
Iha fatin hanesan Reprejantante Primeiru Ministru Antonio da Conciação atual Ministru Edukasaun hateten, lansamentu ba primeira pedra nee hanesan simbolo nasionalisma hodi hanoin hikas maluk sira neebe maka mate ona tamba luta ba rai ida nee, no fo nafatin nasionalismu ba jerasaun foun sira atu banate tuir. Informasaun kompletu iha STL Jornal no STL Web, edisaun Sabado (22/8/2015). Madalena Horta/Lucia Ximenes
Suara Timor Lorosae