DILI - Reprezentante povu iha uma Fukun Parlamentu Nasional hamutuk ho Governu kontinua halo diskusaun lei elisaun suku, hodi fo kompetensia ba xefi suku sira inkliu hasae mandatu tinan 5 ba tinan 7.
Tuir Ministru Estadu Kordenador Asuntu Administrativu no Ministru Administrasaun Interna Dionisio Babo katak marka prezensa iha Parlamentu Nasional hodi kontinua halo diskusaun ba lei Suku nian.
Hau mai kontinuasaun diskuti kona ba proposta lei suku nian ho total artigu 80 resin, lei nee koalia kona ba kompetensia xefi suku sira nian no mos mandatu Xefi suku husi tinan 5 ba tinan 7,” dehan Dionisio ba Jornalista Kuarta (13/04/2016) iha PN.
Nia hatete prospota lei nee importante teb-tebes ba Timor Leste iha ambitu konsentrasaun no deskonsentrasaun, tan nee Ministeriu nee fo kompetensia barak liu ba Xefi suku sira iha futuru.
Babo hatete governu propoin direta maibe sei diskuti hodi hare kestaun barak atu hare ba aspeitu hanesan valor no prinsipiu laos kontra demokrasia no mos aspeitu finanseiru neebe efetivu tenki tetu didiak.
Iha fatin hanesan Deputadu Bankada Fretilin Paul Moniz Maia hatete elisaun Xefi suku lolos halao iha Outubru, maibe ekstende ba Outubru tinan 2016 tamba sei diskuti hela lei elisaun suku nian. Informasaun kompletu iha STL Jornal no STL Web, edisaun Sesta (15/4/2016). Timotio Gusmao
Suara Timor Lorosae