DILI - Kompozisaun meja Parlamentu Nasional (PN) neebe hetan fiar tamba konfiansa husi partidu neebe hetan votus barak, tan nee la iha ona konfiansa rezimentu PN fo dalan bele hapara iha dalan klaran.
Tuir Xefi Bankada CNRT Natalino dos Santos katak Kompozisaun meja Parlamentu Nasional mai husi konfiansa politika laos konkursu, tan nee rezimentu fo dalan bele hapara sira iha dalan klaran.
Vise Prezidente mak ami sei diskuti maibe Automatika Prezidente Parlamentu mak Aderito Hugo, bele akontese vise Prezidente husi partidu seluk,” dehan Natalino ba Jornalista, Kinta (14/04/2016) iha PN.
Nia hatete desizaun foti Aderito Hugo mai husi superior partidu CNRT neebe konvoka iha loron 4 Abril 2016 hamutuk ho orgaun nasional mak disidi, nunee kompozisaun meja nafatin maibe troka deit ema.
Hatan kona ba Rezimentu Parlamentu fo dalan, Natalino hatete meja Parlamentu konfiansa politik liu husi votus, tan nee deputadu bele retira nia votus hodi hakotu sira nia mandatu kuandu laiha ona konfiansa tan nee bloku agora la ejiste.
Iha fatin hanesan Xefi Bankada FRETILIN Aniceto Guterres hatete Partidu Fretilin nudar partidu neebe Segundu Votadu tama iha Meja Parlamentu Nasional minimu hanesan sekretaria ou vice Prezidente Parlamentu Nasional. Informasaun kompletu iha STL Jornal no STL Web, edisaun Sesta (15/4/2016). Timotio Gusmao
Suara Timor Lorosae