DILI - Governu neebe Xefia husi Primeiru Ministru Rui Maria de Araujo, hatoo proposta foun ba nomeasaun Xefia iha F-FDTL, ba Presidente Republika Taur Matan Ruak.
Primieru Ministru Rui Maria de Araujo hatete, ohin mai enkontru ho Presidente Republika hatoo konaba proposta foun ho opsaun 2 neebe deside iha reuniaun Konsellu Ministru dia Doze konaba Xefia F-FDTL nian.
Presidente Republika simu tiha ona proposta, no foti ona desizaun, I depois sei formalmente hatoo ba ami,” dehan PM Rui ba jornalista sira, hafoin remata enkontru ho PR Taur Matan Ruak, iha Palasiu PR, Nicolau Lobato, Kuarta (14/04/2016).
Eis Ministru Saude iha Primeiru Governu Konstitusional nee afirma tan katak, iha ona solusaun ba impase nomeasaun Xefia iha F-FDTL, maibee konaba naran se maka atu Xefia nee Governu sei hein resposta formal husi Presidente Republika maka foin bele halo komentariu.
Iha biban nee mos Primeiru Ministru Rui Maria de Araujo, informa ba Presidente Republika Taur Matan Ruak, konaba posizaun Governu, neebe husu Australia atu halo konsiliasaun komposiva ba kestaun neebe relasiona ho fronteira maritima, tuir konvensaun Nasoens Unidas ba direitu tasi nian.
Iha parte seluk Deputadu Bankada PD Adriano Nacimento hatete desizaun neebe mak iha husik Governu no Prezidente mak rezolve tamba nudar politku labele mete iha vida militar ninian. Informasaun kompletu iha STL Jornal no STL Web, edisaun Sesta (15/4/2016). Carme Ximenes
Suara Timor Lorosae