DILI - Primeiru Ministru Rui Maria de Araujo deklara ba publiku katak, em jeral VI Governu Kostitusional ezekuta Orsamentu Jeral Estadu (OJE) 2015 atinji 40%.
Lia hirak nee hatoo husi PM Rui, ba Jornalista sira, hafoin remata enkontru ho Prezidente Republika Taur Matan Ruak iha Palasiu Prezidensial, Aitrak Laran, Dili, Kinta (02/07/2015).
Ami nia ezekusaun OJE 2015 nia atinzi ona 40%, maibee ba tina oin 2016 programa ami nia, tau prioridade liu ba iha area 4 hanesan eduksaun, saude, infrastruktura baziku,” hateten PM Rui.
Xefi Governu antes nee hateten iha tinan 2016 sira sei aloka osan ho montante billaun 1.3, ba 2017, sira sei aloka tan osan ho montante billaun 1.2, neduni husi tinan 2016-2017 aloka total hamutuk billaun 2.5 hodi hadia dezenvolvementu iha pais ida nee.
Entertantu Direitur Ezekutivu Luta Hamutuk Mericio Akara hateten Governu troka tun sae, maibee sira nia kapasidade Ezekusaun Orsamentu Jeral Estadu marka pasu, tamba ezekusaun orsamentu 2015 seidauk too 30%. Informasaun kompletu iha STL Jornal no STL Web, edisaun Sesta (3/7/2015). Joao Anibal/ Timotio Gusmao
Suara Timor Lorosae