DILI - Estadu Nova Zelandia (NZ) prontu apoiu Timor Leste (TL) hodi promove paz no estabelidade iha pais ida nee.
Tuir Vice Ministru Negosiu Estranjeiru Roberto Soares katak sira realize enkontru ida ho Embaixador Nova Zelandia mai TL Zonathan Schwass, Embaixador nee mai ho hanoin 3, oinsa TL hare ba sira nia proposta sira nee.
Tamba Nova Zelandia oras nee dadaun prezidi hela Prezidensia ba Konsellu Siguransa Nasoes Unidas nia, iha fulan juliu mai sira sei aprezenta topiku ida intersante tebe-tebes, liga ba kestaun siguransa ba pais kikoan sira iha mundu, para atu bele istimula diskusaun nee, para atu rona husi nasaun kikoan sira hanesan TL oinsa kontribui ba konseitu konba promosaun paz no estabelidade, liu-liu ba rai kikoan sira,” hateten Roberto, ba Jornalista sira, hafoin remata enkontru ho Primeiru Ministru Rui Maria de Araujo, iha Palasiu Governu, Kinta (02/07/2015).
Ikus liu sira mai hakarak hatene konaba progresu adezaun TL ba ASEAN too iha neebe, tamba Nova Zelandia mos hanesan parseru dialogu ba ASEAN, neduni sira manifesta sira nia apoiu total para atu bele nafatin reforsa ba mehi TL nia atu sai membru ba ASEAN. Informasaun kompletu iha STL Jornal no STL Web, edisaun Sesta (3/7/2015). Joao Anibal
Suara Timor Lorosae