DILI - Atu kombate droga iha nasaun Timor Leste, sidadaun hotu-hotu presiza fo apoiu ba servisu intelejensia parte seguransa no defeza, tamba sira mesak labele kuandu laiha apoiu husi timor oan.
Tuir Komandante Jeral Polisia Nasional Timor Leste (PNTL), Komisariu Julio Hornai hatete atu kombate droga no aktividade krime neebe mak lao iha rai laran, presiza apoiu husi komunidade hotu-hotu labele depende deit ba servisu intelejensia.
"Ita timor oan sira neebe mak hatene informasaun balun bele fo hatene polisia atu bele antisipa, laos seguransa polisia mesak deit mak tenki hatene, mais informasaun sira neebe mak iha komonidade deit,” dehan Julio ba Jornalista, Kinta (02/07/2015) iha Palasiu Prezidensial Nicolao Lobato.
Nia esplika tan katak Timor oan hotu-hotu fo apoiu ba malu, polisia neebe mak koloka iha aero portu, area alfandega no iha area hotu-hotu hanesan, sidadaun hotu iha funsaun laos polisia mesak deit mak tenki detekta kuandu la apoiu husi komonidade.
Iha fatin ketak Reprezentante povu iha uma fukun Parlamentu Nasional Manuel Castro katak iha Informasaun Internasional neebe maka oras nee define Timor Leste sai fatin ou sentru ba sirkulasaun droga. Informasaun kompletu iha STL Jornal no STL Web, edisaun Sesta (3/7/2015). Timotio Gusmao
Suara Timor Lorosae