Relatoriu ezekusaun orsamentu Zona Exluziku Ekonomia Merkadu Sosial (ZEEMS) nian aprezenta direitamente ba Konselhu Ministrus (KM).
Membru Parlamentu Nasional husi Bankada FRETILIN, Antonino Bianco, esplika katak, sistema orsamentu ZEEMS nian tuir prinsipiu jestaun finanseira ne’ebe iha.
Antonino Bianco hatutan, sistema orsamentu ZEEMS ne’ebe lidera husi Sekretariu Jeral Partidu FRETILIN, Mari Alkatiri ne’e tuir Konstituisaun, tuir lei prinsipiu jestaun orsamentu finansia nian depois mos iha dekretu lei ne’ebe mak estabelese kona-ba ZEEMS.
Kompetensia ZEEMS nian koina-ba implementasuan orsamentu, tuir Antonino Bianco, aprezenta iha Konselhu Ministru (KM), depois lori ba iha Parlamentu Nacional (PN) halo diskusaun antes aprovasaun atribusiaun orsamentu ba iha ZEEMS nian.
Anualmente Prezidente ZEEMS, Mari Alkatiri halo relaltoriu ezekusaun orsamentu fo mai PN ne’ebe la taka dalan ba Komisaun sira atu ba halo fiskalizasaun.
Ba JNDiario iha Sala Bankada FRETILIN, Segunda (7/9/2015), Deputadu Antonino Bianco esklarese katak, ema ne’ebe servisu iha ZEEMS la haree ba koor partidu, maibe presiza liu ema ne’ebe kapabel no matenek.
“ZEEMS buat foun ida, ne’e ami vizita dala barak ona, ne’e ema sira kapasidade mak tama servisu iha laran, tanba ne’e laos fasil,”tenik Antonino Bianco.
“Se’e FRETILIN nia ema mak kapasidade iha, tanba sa mak labele, ne’e mak ema balun la gosta tiha FRETILIN kaer iha fatin,” afirma Antonino Bianco.
Antonino Bianco hatutan, norlmalmente FRETILIN hahu buat foun ida, ema balun ladun konhese, entaun halo duvidas ba ema hahu kedas nune’e FRETILIN buka atu halo ukun a’an ema baruk, ema dehan tebes ka lae buat ne’e akontese.
Maske lideransa ZEEMS ne’e FRETILIN, tuir Antonino Bianco, nia lider istorika ne’ebe mak hetan fiar husi Estadu ne’e ema balun dala ruma ladun gosta ou ema balun hakarak ba servisu tenki hatudu kapasidade para atu bele partisipa.
“Se-se’e deit iha dereitu bele partisipa iha prosesu, maibe tenki kritika ho hanoin keta ho sentimentu odiu ruma karik ne’e mak ladun diak,” hatetne Antonino Bianco. avi
Jornal Nacional