Publiku duvidas boot ho kredibilidade Distintus Deputadu sira, tanba balun hala’o fali knaar hanesan makelar hodi buka projetu iha Governu ba empreza internasional sira.
Husi projetu ne’ebe Deputadus makelar hetan ho kbi’it ligasaun diak ho membnru Governu sira, maka Deputadus refere iha direitu ba hetan 10-15% husi valor orsamentu ne’ebe aloka ba iha projetu refere.
Eis Vise Primeiru Ministru nudar mos eis membru Asembleia Konstituente (AK), Mario Viegas Carrascalão, la tau duvidas ba reprezentante povu nian balun iha Parlamentu Nasional ho mos membru Governu balun sai makelar ba projetu fiziku Estadu nian.
Maske nune’e, membru PN husi Bakada FRETILIN, Antonino Bianco, konsidera informasaun kona-ba deputadus balun hala’o atividade makelar ne’e hanesan rumoris deit.
“Ita labele moris iha rumoris nia laran, ita moris atu lori nasaun ida ba oin,” hateten Deputadu Antonino Bianco, hodi responde JNDiário iha sala Bankada FRETILIN, Segunda (7/9/2015).
Antonino Bianco husu jornalista atu bele halo investigasuan ba deputadus ho membru Governu sira ne’ebe maka involve halo atividades makelar.
“Ita bo’ot sira iha dereitu investiga, ne’e mak imi iha dereitu, agora hau hanesan Deputadu lakohi kualia buat ne’ebe mak rumoris, hau tenki kualia buat ida dadus konkretu,”dehan Antonino Bianco.
Antonino Bianco dehan, Deputadu sira normalmente disloka ba rai liur ne’e tanba misaun de trabalho se’e dislokasaun ba estranzeiro ho misaun refere ne’e, Parlamentu la autoriza.
Iha parte seluk, Deputadu PN Eladio Faculto husi Bankada FRETILIN husu atu kaer evidensia sira lori ba Ministeriu Publiku hodi prosesa ba Tribunal.
Membru PN husi Bankada PD Maria Lurdes Besa hateten, Deputadu sira halo viazen ba rai liur ho maneira konvite ba tuir konfrensia, balun ba halo estudu kumparativu. Maibe, dehan Deputadu sira ba halo kontaktu ho emprezario internasional para mai hetan projetu Estadu nian hodi hetan porsentu ne’e la iha.
“Tuir hau nia hatene Estudu komparativu ita ba para analiza situasaun halo kontaktus potensialidade ita nia rai ne’e nian, agora atu lori Kompanha mai para hetan pursentu ne’e se’e halo karik sala,” tenik Maria Lurdes Besa.
Deputadu PN Bankada PD Paulino Monteiro informa katak, durante ne’e membru PN husi Komisaun E ne’ebe toma konta Infra-estrutura, Transporte no Komunikasaun, wainhira halo fiskaliZasaun nunka husu kompanha nia osan husi Emprezario sira.
“Ami Deputadu Komisaun E nunka hanoin atu husu kompanha ida nia osan no emprezario sira mos nunka atu fo oan rokok mai ami,” dehan Paulino Monteiro.Avi
Jornal Nacional