Fundasaun Alola ho Organizasaun Não Govermental (ONG) HIAM Helth asina akordu ida ho objetivu atu hala’o programa suku Hadomi Inan Oan iha munisípiu Aileu no Ainaro.
Asina akordu ne’ebé mak fundasaun Alola ho Organizasaun Não Govermenatal (ONG) HIAM Health hala’o iha edifisiu Fundasaun Alola Sabadu (5/9).
Diretora Fundasaun Alola Alzira dos Reis, hateten katak ho apoiu importante ONG ho fundasaun Alola nian ne’e sei hala’o programa suku Hadomi Inan Oan iha munisipiu Aileu,no Ainaro.
Nia hatutan tan katak, suku hadomi inan no oan ne’e atu promove pratíka fo han ba bebe ne’ebé seguru no saude iha nivel lokal, no sai hanesan rede apoiu ba inan no oan sira hodi promove saude inan no oan no mos fo konselhu ba inan isin rua sira.
Diretora fundasaun Alola Alzira dos Reis,informa sira sei kontinua ho atividade promosaun saude iha suku Neen,inkluindu edukasaun konaba fo susu ba bebe, hanorin tein uza aihan lokal no mos koalia konaba saude komunitária.
Diretora ne’e informa,ho asina akordu ne’e marka mos parseria servisu entre Sunrise Jint Venture ho HIAM Health lokal ida ne’ebé iha esperiensia servisu kuaze tinan 10 familia sira iha Timor Leste hodi hadia nutrisaun.
Parseria ne’e sei fo dalan ba HIAM Health hodi kontinua nia misaun atu prevene no rédus kazu mal nutrisaun iha Timor Leste liu husi implementasaun ba to’os iha komunidade.
Programa nutrisaun estensaun ba to’os sei lori hamutuk matenek agrikultura, saude, no dezenvolventu negósiu hodi fo formasaun ba grupu komunitária no estensionista sira konaba kuda modo ho nutrisaun sustentavel ba komunidade.
Diretora HIAM Helath Rosaria Martins da Cruz, hatete fundu sira ne’e sei fo dalan ba HIAM Helath atu konsolida servisu balun iha toos komunitáriu no hahú parte komersial ba programa no benefisiu ba suku alvu.
Nia dehan, projetu ne’e sei foka hodi mantein toos husi projetu ba kontinuasaun ba benefisiu saude no ekonomia, ne’ebé koileta dahuluk sira.tos
Jornal Nacional