AGRIKULTUR KAFE KARIK KU’U KAFE KADA TINAN 5 DALA IDA
Hakerek nai: Jaime Soares dos Santos | opiniaun
Numeru Kontaktu: 77367924
Endereso: Ermera – Gleno
Sistema Governasaun iha nasaun ida hanesan ideologia ida nebe adopta husi nasaun ida atu bele hari no maneja Sistema governasaun ida tuir situasaun real nasaun ida nian, ka Sistema governasaun nebe Nasaun nee adopta , Sistema Governasaun sei fahe ba pontus hirak hanesan tuir mai:
Timor Leste adopta Sistema governasaun Semi Presidensial, katak
SISTEM SEMIPRESIDENSIAL
Sistema semipresidensial mak hanesan
sistema Governasaun ida nebe adopta Sistema rua hanesan sitema Presidensial no sistema parlamentar nebe hanaran sistema “Dual Exekutivu (Eksekutif ganda), Sistema Semi-Presidensial ne’e katak Presidente hili direta husi Povu, tamba nee Junta sistema rua nee hamutuk katak Presidente hili direta husu Povu, no Parlamentu hili direta mos husi Povu hodi forma Governu, tamba ne’e maka Presidente no Governu sei halao nia knar tuir Konstituisaun,
Tamba ne’e, Tuir Sistema nebe Timor Leste Adopta maka Kada tinan 5, sei akontese eleisaun, ita halao ona eleisaun iha tina 2017, 2012, inklui eleisaun ba tinan ida ne’e, iha eleisaun hirak ba kotuk ita hetan apoiu husi Nasoens Unidas maibe. Maibe Eleisaun Presidensial no Eleisaun Parlamentar. Tinan ida ne’e 2017 ita konsege realiza festa demokrasia nebe marka istoria ida ba Timor leste, katak Timor oan rasik mak organiza eleisaun ba tinan ida ne’e, Ita konsege ultra pasa ona Eleisaun iha Aldeia, Eleisaun xefe do suku, no eleisaun Presidensial nebe lao diak tebes no situasaun hakmatek, hela tan semana hirak mai oin, ita hotu sei hakat tan ba eleisaun parlamentar iha dia 22 de Jullu, rezultadu husi eleisaun parlamentar ida ne’e mak ita sei iha governasaun foun ida tuir mai, nebe sei hanaran VII (Settimu Governu)
Timor Leste ho total populasaun 1,183,643, Feto : 582,531 no Mane : 601,112 tuir sensus 2015, total eleitores 626, 503 mak sei eserse nia diretu iha eleisaun ida ne’e, maibe husi numeru eleitores ida ne’e ita sei fahe ba Partidu 21 nebe oras ne’e dadaun halao namanas hela kampanha eleitoral iha terotoriu Timor leste hodi faan sira nia programas politikus, atu nune eleitores sira bele tetu no fo votus. Ba oras ida ne’e dadaun ita iha partidu 21 nebe mak sei kompete ba iha festa demokrasia ida ne’e, maibe atu asesu ba iha parlamentu, tenki liu husi bareira 4%. Hare ba forsa politika nebe oras nee lao dadaun, kuaze Partidus lobun ida mak iha posibilidade atu hakur bareira 4%, maibe ida ne’e sei iha nakukun nia laran. Oinsa mak eleitores hotu nebe kompleta ona tinan 17 ba leten atu eserse sira nia diretu de votu, Sidadaun hotu tenki fila ba ida-idak nia suku, ka fatin resensiamentu ba (signifika katak hotu-hotu tenki fila ba area geografiamente) maibe esperensia eleisaun hirak ba kotuk, eleitores barak mak la konsege ba sira ida-idak nia fatin atu tuir eleisaun tamba rajaun, dook, transporte, no kestaun seluk tan, tamba ne’e ita espera katak Governu atual bele tau konsiderasaun ba kestaun ne’e, liu-liu maluk sira husi Lautem, Suai, Enklabe-Oekuse, no munisipius seluk nebe susar tebes atu desloka ba, liu-liu hanesan estudantes sira nebe agora hela iha Dili, tuir dadus eleisaun Presidensial nebe iha maka total eleitores hamutuk 626, 503, maibe eleitores nebe konsege tuir vota mak 489,933, entaun signifika katak ita nia eleitores kuaze 136,570 mak la exerse sira direitu de votu, tamba ne’e Partidu 21 tenki servisu makas atu nune bele hakat bareira nebe Partidus hotu-hotu tenki kumunga. Hare ba dadus nebe STAE publika hodi hakat ba eleisaun parlamentar dia 22 total eleitore 747.583, eleitores iha rai laran hamutuk 746.251, enkuantu husi rai liu hamutuk 1.332 eleitor. Hein katak numeru ida ne’e sei partisipa hotu iha loron votasaun.
Hare ba esperensia eleisaun 2012, total partidus nebe halo kompetisaun iha momentu neba ho total 21 mak hanesan, UDT, PR, PDN, AD, PUN, PD, PTD, PSD, FM, KHUNTO, CNRT, FRETILIN, PDP, BLOKU, ASDT, PST, PDC, PDL, APMT, PLPA, no UNDERTIM. Maibe ohin rezultadu ikus mak partidus 4 mak konsege hakur 3 % bareiras, hanesan CNRT, FRETILIN, FM, no PD. Maibe ohin 2017 ita mai tan ho partidus 32, depois de rejista iha tribunal rekursu ho legalidade total 21 hanesan BUP, APMT, KHUNTO, PEP, PST, PDP, CNRT, PR, UDT, PDC, MLPM, PLP, PD, UNDERTIM, PUDD, PTD, FM, PSD, C-ASDT, PDN no FRETILIN. Hare ba lista partidus nebe iha, kuaze nafatin, bele dehan troka naran deit, maibe partidus hotu tenki esforsu makas maka oinsa bele hakur 4% bareira. Husi numeru ida ne’e, ita bele imajina ona katak VII Governu tuir mai, iha buat rua, Partidus nebe Manan mayoria bele ukun mesak, se ida ne’e la akontese maka sei hamosu nafatin ho bloku Governasaun. Eleisaun kada tinan 5, maibe ita iha ona Governasaun ba dala VI, maibe ohin loron situasaun real nebe iha maka Povu sei menus ba be’e mos, kondisuan estradas, produsaun agrikultura menus, saude no edukasaun presija hadia diak liu tan no nesesidades basiku seluk tan nebe relevante ho Povu nia moris, fulan ida ne’e nia laran, Partidus 21 nebe lao lemo-lemo iha teritoriu mai ho promesas nebe murak no koor oi-oin deit, maibe Povu hotu nia esperansa mak ne’e Nesesidades basikus, ita hein tok Governasaun saida mak sei akontese tuir mai. Hare ba situasaun real ohin loron, Povu Timor leste sei presija nesesidades basiku hanesan BE’E MOS, SAUDE, EDUKASAUN, ELETRICIDADE, AGRIKULTURA, ESTRADAS, inklui Nesesidades basikus seluk nebe Povu presija. husi total Partidus nebe compete iha eleisaun ne’e mai ho promesas oi-oin, maibe la diferensia ho saida mak Governo atual no Governu anterior halo ona, presija hadiak liu tan, Povu Timor leste la preokupa Partidus nebe mak atu ukun, importante mak Pas no hakmatek, Parabens ba Povu Timor Leste, Parabens ba Governu Timor leste nebe organiza Eleisaun hirak liu ba lao diak tebes no konsege loke tan sentru votasaun iha nasaun 4 hanesan Korea do Sul, Australia, Postugal no Inglatera, Parabens ba VII Governu nebe tuir mai, no Parabens ba Eleitores hotu nebe dia 22 semana ida ne’e sei hakat ba sentru votasaun hodi ezerse sira nia diretu de votu. Espera katak propagan politika sira nebe lao durante lao hahu husi dia 20/06 to 19/07 sei realiza wainhira sira kaer ukun iha tinan 5 oin mai, tamba politika kada partidu atraves hatoo liu Jornal, televisaun, radiu no media seluk tan. Katak laos promesass falsus deit atu atria povuka eleitores sira nia votu, maibe sei sai hanesan programa pixu partidu ida-idak nian. Parabenz.
Hakerek nain: Jaime Soares dos Santos, hela iha ERMERA-Gleno
