Komportamentu kondotor sira nian seidauk diak, tanba ne’e para kareta arbiru deit iha estrada ninin hodi kontribuia ba engrafamentu.
“Labele iha persepsaun ba kontetor mak halo engarafamentu. Impaktu negativu husi engarafamentu tamba kondutores sira la komporta didiak, laiha pasiensia ba malu, idak idak para tuir vontade, halai tuir vontade,” hateten Vise Ministru Obras Publiku Transporte no Telekomunikasoens, Inacio Freitas Moreira, ba JNDiario iha ninia knar fatin, Tersa (04/08/2015).
Nia hateten, atu rezolve kontentores ne’ebe kontinua halo operasaun iha loron, presiza estudu kle’an. “Hau foin fulan 5 iha ne’e nedunik hau sei halo estudu klean kona ba ema nebe servisu kalan diak ka lae entermus de seguransa, direitu salarial, e karik aplika lei kodigu trabalhu atu nune klaru ba ninia servisu ida ne’e la fasil atu deside,” esplika Inacio Moreira.
Atu minimija engrafamentu iha Dili laran persiza kursu ba karta kondusaun, labele tur-tur foti karta kondusaun. Pelmenus tenki iha konhesimentu naton oinsa bele lori kareta no motor ho nune bele hatene ona atu halai makas husi nebe, sinais transitu no para iha nebe.
Fatin Kontetor Seidauk Funsiona
Nia hatutan tan kona ba desizaun nebe halo ona hodi normalija no konsentra hamutuk kontetor presiza haree didiak fali.
“Primeiru ba fatin halo ona iha Tasi Tolu maibe sidauk utiliza tanba kondisaun sidauk masimu hanesan be no elektrisidade sidauk iha, lolos tenki prontu ona atu nune kontetor frijer sira bele utilija ona ho nune bele selu fali ba estadu,” hateten Inacio Moreira.
Segundu, tuir Inacio, rehabilitasaun drive port iha tasi tolu ho osan montante 3 miloes meio e tal maibe at liu uma didin ho triplek ne’eduni, sei husu ba inspektur jeral halo auditoria lolos tamba saida mak osan bot maibe uma ne’e halo fali ho triplek.
Nia informa mos katak ba ministerio kompotente nebe halo rehabilitasaun tenki hadia diak no dada elektrisidade ba fatin refere. Ita
Jornal Nacional