MANATUTO - Problema Merenda eskolar nebe maka governu Implementa iha nasuan Timor Leste barak laiha kualidade halo povu kestiona bei-beik, Prezidente Republika Taur Matan Ruak husu Governu tenki hapara.
Tuir Prezidente Republika Taur Matan Ruak katak Programa Merenda eskolar nebe mak lao durante vizita Prezidente Republika nian, populasaun sempre kestiona bei-beik tan nee laiha planu diak liu hapara.
Problema merenda eskolar populasuan kestiona Bei-beik, ita Laiha Kapasidade atu Impelementa Programa nee Hapara, duke ita fo kilat ba povu atu tiru ita bei-beik loron-loron,” dehan Prezidente Republika Taur Matan Ruak Kuarta (29/07/2015) iha suku Ma’abat.
Nia hatete durante vizita Prizidente iha suku, komonidade no estudante sempre kestiona bei-beik halo Prezidente nia fuk molik hotu, tamba povu kritika bei-beik maibe governu nunka halo vizita hodi hare problema nee.
Iha fatin ketak Xefi Suku Rasa Joaquim Rodrigues Lopes hatete Kondisaun eskola Aat, maske halo ona rekonstrukasuan maibe oras nee aat fali ona, husu ba governu atu hadia tuir posibilidade tamba edukasaun importante, matenek laiha la bele dezemvolve Nasaun. Informasaun kompletu iha STL Jornal no STL Web, edisaun Kinta (30/7/2015). Timotio Gusmao
Suara Timor Lorosae