DILI - Eis Prezidente Republika Jose Ramos Horta, esplika relatoriu servisu konaba reforma koopersaun Paz ba Organizasaun Nasoens Unidus (ONU), ba Prezidente Republika (PR) Taur Matan Ruak, atu nune Estadu Timor Leste (TL) tau atensaun.
Tuir Horta katak nia esplika servisu ba Prezidente, konaba servisu neebe foin dadauk ba iha Nova Yorke, nudar responsabel masimu ba painel internasional para reforma koopersaun da paz ba ONU nian. Tamba foin dadauk ba Nova Yorke Assembleia Jeral ONU halo debate konsiderasaun ba ninia relatoriu para ba oin halo implementasaun.
Liu-liu ami nia rekomendasaun hau nia apinel ami nain 17 rekomenda diak liu Nasoes Unidus ho Governu sira tau matan liu no fo prioridade ba prevensaun konflitus duke koandu iha konflitu maka halo reasaun, neduni ita hare iha rai ruma iha ona tensaun ruma Nasoes Unidas ho pais vizinu sira ho komunidade internasional tenki koalia ona oh governante sira nee para la bele konflitus nakfera, hanesan iha Sudaun do Sul, kondu konflitus nakfera ona difiisl atu rezolve,” hateten Horta ba Jornalista sira, hafoin remata enkontru ho PR Taur, iha Palasiu Prezidensial, Aitrak Laran, Dili, Kuarta (18/05/2016).
Horta hatutan Nasoes Unidas kadaves iha opersaun da Paz maka sira komesa moviliza paises atu fo forsa, dalaruma bele lori too fulan 9 ou too tinan ida, deske momentu Konsellu Siguransa halo desizaun, kuandu forsa ONU too iha fatin ida lori tinan ida.
Iha parte seluk Observador Politika Anteiro Guterres hateten Lider politika sira nee iha kapasidade, atu rezolve problema iha nasaun seluk no hamutuk ho lider nasaun seluk hodi rezolve no reforma ONU. Informasaun kompletu iha STL Jornal no STL Web, edisaun Kinta (19/5/2016). Joao Anibal
Suara Timor Lorosae