DILI – Governu Timor Leste liu husi Ministeriu Negosiu Estranjeiru no Koperasaun kria koperasaun bilateral ho Vietnam iha area komersiu durante tinan tolu.
Informasaun nee fo sai husi Ministru Negosiu Estranjeiru no Kooperasaun (MNEC), Hernani Coelho, ba jornalista sira iha Palacio Governu Tersa (17/05/2015).
Ita iha akodu koperasaun do komersiu neebe mak ita asino ho Vietnam iha tinan 2013 no koperasaun nee atu hare iha area komersiu nian nomos investimentu iha seitor 3 neebe mak importante mak hanesan rkursu minarais, agrikultura peskas no florestas no seluk tan neebe mak importante tebes,” dehan Hernani.
Nia mos hatutan tan katak koperasaun entre pais rua nee mos hetan ona aprovasaun husi Konsellu Ministru no hein deit atu lori ba Parlamentu Nasional, hodi hetan ratifikasaun no durasaun akordu neebe mak pais rua nee asina tinan 3 maibe iha akordu nee no sei kontinua nafatin wainhira husi parte rua nee laiha intensaun atu hapara.
Iha fatin hanesan Sekretariu Estadu Konsellu Ministru, Avelino Coelho, mos hatete katak akordu koperasaun entre pais rua nee tuir ordem juridika akordu neebe mak TL ho Vietnam halo nee tenke lori ba PN atu ratifika. Informasaun kompletu iha STL Jornal no STL Web, edisaun Kinta (19/5/2016). Thomas Sanches
Suara Timor Lorosae