Timor-Leste hanesan nasaun daruak hosi rejiaun Pasífiku, hafoin Papua Nova Guiné (PNG), maka simu liu finansiamentu hosi Banco Aziátiku Dezenvolvimentu (BAD) nian iha 2015, haktuir hosi relatóriu anual hosi entidade ne'ebé fó sai iha loron-segunda ne'e.
Timor-Leste, iha konkretu, simu ona finansiamentu dolár millaun 50 - folin hanesan ne'ebé fó ba Fiji, no ki'ik liu duké dolár millaun 92 ne'ebé maka kanaliza ba PNG - haruka ba projetu sira rekuperasaun nian hosi estrada timoroan nian.
Iha total, no tuir relatóriu ne'e, Pasífiku simu ona empréstimu sira no subsídiu sira ho folin dolár millaun 281 iha tinan 2015, tinan ne'ebé BAD haruka finansiamentu ba mundu tomak millaun rihun 16,44 liuhosi sira nia fundu rasik, ne'ebé tau hamutuk ba dolár millaun rihun 10,74 iha modelu kofinansiamentu nian.
Informasaun sira halo parte hosi relatóriu anuál ne'ebé ohin debate iha reuniaun anual BAD nian ne'ebé hala'o iha Frankfurt, Alemaña no fó sai hosi entidade iha nia pájina ofisiál iha internet.
Folin total hosi kofinansiamentu inklui millaun rihun 6,17 hodi apoia projetu investimentu hamutuk 69 no projetu asisténsia tékniku hamutuk 85.
"Maski hosi kondisaun fiskal global sira apoiu finansiamentu hosi parseiru dezenvolvimentu sira aumenta ona 39% hosi millaun rihun 4,43 iha 2014. Folin sira seluk mai hosi kofinansiamentu komersial", esplika hosi komunikadu BAD nian.
SAPO TL ho Lusa