DILI – Too oras nee membru deputadu iha uma fukun Parlamentu Nasional (PN) seidauk diskute hodi halo revizaun ba Lei Pensaun Vitalisia tuir sira ninia promesa, tanba nee Sosiadade Sivil konsidera PN halo promesa falsu ba publiku.
Deklarasaun nee fo sai husi Diretor Ezekutivu Organijasaun Non Govermental Luta Hamutuk, Mericio Akara, ba jornalista sira iha nia servisu fatin Farol, Segunda (2/5/2016).
Ami nia hare nee Parlamentu tomak tanba saida mak la diskute lei pensaun vitalisia nomos la fo perioridade no agora ita foin deskobre liu husi sira nia deklarasaun fon lalais nee tanba Prezidente Parlamentu dun ba deputadu no deputadu sira dun ba Prezidente Parlamentu nee hatudu imagen la diak ba publiku, tanba durante nee halo deit promesa falsu,” hatete Akara.
Nia hatutan durante nee iha PN nia laran halo manobra ba malu no ikus mai fo sala ba malu, nee hatudu laiha intrese no frakeja PN nian iha publiku nia matan. Nia mos hatutan nia sadik Prezidente Parlamentu foun atu tau intrese ba lei importante sira neebe mak seidauk diskute to agora.
Iha fatin ketak tuir membru Komisaun A Parlamentu Nasional, Arao Noe de Jesus, hatete deklarasaun Prezidente Parlamentu Nasional, Vicente Guteres, nee hanesan koko atu fase liman iha publiku nia oin. Informasaun kompletu iha STL jornal no STL Web, edisaun Tersa (3/5/2016). Thomas Sanches
Suara Timor Lorosae