Xefe hosi bankada Fretilin, nu’udar partidu daruak timor-oan nian, ohin dehan katak lakon ona konfiansa ba iha prezidente Parlamentu Nasionál (PN), Vicente Guterres, tanba ne’e tenke rezigna-aan, no entre buat seluk, tanba mantén ona polémika diplomas lejislativu rua “iha gaveta”.
“Fretilin la’iha konfiansa polítika ba prezidente Parlamentu Nasionál. Hahú hosi eleitu no ho sentidu demokrasia, ami respeita prezidente. Maibé agora imi-nia partidu mos lakonfia ona prezidente”, dehan Aniceto Guterres Lopes iha plenáriu.
“Señór prezidente, ho dignidade, sei tenke rezigna”, dehan no hatutan tan kona-ba prezidente parlamentu ne’ebé ladauk fó resposta ba karta tolu hosi tribunál Dili, relasiona ho prosesu ida ne’ebé nia envolve.
Aniceto Lopes halo krítika maka’as hasoru Vicente Guterres, iha debate estraordinária ida iha plenáriu kona-ba rekerimentu hosi partidu Congresso Nacional da Reconstrução Timorense (CNRT), hodi troka ka hala’o eleisaun ba Prezidente Parlamentu Nasionál nomós ba Meza Parlamentu nian.
CNRT hakarak hala’o eleisaun ba meza foun tanba lakon ona konfiansa ba iha prezidente PN – hanesan ema ida hosi sira-ninia partidu rasik – no tanba lahalo ona koligasaun ho Partido Democrático (PD), ne’ebé hetan kadeira rua hosi neen iha meza parlamentu nian.
Xefe hosi bankada Fretilin duun prezidente blokeia ajenda hosi debate lei korupsaun “tanba lakonkorda ho pontu ida” iha testu lejislativu nian, ne’ebé halo krítika hasoru deputadu sira.
“Prezidente maka desidi bainhira maka parlamentu bele debate kona-ba lei refere. Maibé laiha poder absoluta. Parlamentu hanesan orgaun kolejiál ida no plenáriu mos iha poder. Maibé tanba lahalo debate ba ida ne’e, maka públiku halo krítika hasoru parlamentu hodi dehan katak ami laiha vontade polítika hodi halakon korupsaun”, dehan.
Nia mos dehan katak prezidente maka blokeia debate kona-ba pensaun vitalísia hodi lafó dalan atu dokumentu “to’o iha komisaun nia liman”, tanba ne’ebé “públiku atake Fretilin no Parlamentu tanba lakohi muda lei”.
Aniceto Lopes akuza tan katak prezidente parlamentu “buka razaun oioin hodi la bá iha tribunál”, tanba ne’e maka ladauk fó resposta ba notifikasaun tolu hosi tribunál ba prosesu ne’ebé nia rasik hanesan arguidu, ho nune’e maka “mosu tan krítika foun hosi populasaun tanba imunidade”.
Nia esplika, ho motive ne’e maka Fretilin apoia rekerimentu hosi CNRT nian, hodi halo alterasaun ba meza parlamentu.
“Fretilin nunka atu halo parte ba golpe iha Timór nomós iha parlamentu. Kontinua konsistente. Fretilin iha responsabilidade halo serbisu parlamentu nian la’o normál no tanba ne’e maka ami apoia ba mudansa refere”, dehan.
Intervensaun ne’e halo deputadu hosi CNRT basa-liman no iha galeria hothotu, motiva avizu ida hosi prezidente Parlamentu Nasionál ba públiku.
SAPO TL ho Lusa
“Señór prezidente, ho dignidade, sei tenke rezigna”, dehan no hatutan tan kona-ba prezidente parlamentu ne’ebé ladauk fó resposta ba karta tolu hosi tribunál Dili, relasiona ho prosesu ida ne’ebé nia envolve.
Aniceto Lopes halo krítika maka’as hasoru Vicente Guterres, iha debate estraordinária ida iha plenáriu kona-ba rekerimentu hosi partidu Congresso Nacional da Reconstrução Timorense (CNRT), hodi troka ka hala’o eleisaun ba Prezidente Parlamentu Nasionál nomós ba Meza Parlamentu nian.
CNRT hakarak hala’o eleisaun ba meza foun tanba lakon ona konfiansa ba iha prezidente PN – hanesan ema ida hosi sira-ninia partidu rasik – no tanba lahalo ona koligasaun ho Partido Democrático (PD), ne’ebé hetan kadeira rua hosi neen iha meza parlamentu nian.
Xefe hosi bankada Fretilin duun prezidente blokeia ajenda hosi debate lei korupsaun “tanba lakonkorda ho pontu ida” iha testu lejislativu nian, ne’ebé halo krítika hasoru deputadu sira.
“Prezidente maka desidi bainhira maka parlamentu bele debate kona-ba lei refere. Maibé laiha poder absoluta. Parlamentu hanesan orgaun kolejiál ida no plenáriu mos iha poder. Maibé tanba lahalo debate ba ida ne’e, maka públiku halo krítika hasoru parlamentu hodi dehan katak ami laiha vontade polítika hodi halakon korupsaun”, dehan.
Nia mos dehan katak prezidente maka blokeia debate kona-ba pensaun vitalísia hodi lafó dalan atu dokumentu “to’o iha komisaun nia liman”, tanba ne’ebé “públiku atake Fretilin no Parlamentu tanba lakohi muda lei”.
Aniceto Lopes akuza tan katak prezidente parlamentu “buka razaun oioin hodi la bá iha tribunál”, tanba ne’e maka ladauk fó resposta ba notifikasaun tolu hosi tribunál ba prosesu ne’ebé nia rasik hanesan arguidu, ho nune’e maka “mosu tan krítika foun hosi populasaun tanba imunidade”.
Nia esplika, ho motive ne’e maka Fretilin apoia rekerimentu hosi CNRT nian, hodi halo alterasaun ba meza parlamentu.
“Fretilin nunka atu halo parte ba golpe iha Timór nomós iha parlamentu. Kontinua konsistente. Fretilin iha responsabilidade halo serbisu parlamentu nian la’o normál no tanba ne’e maka ami apoia ba mudansa refere”, dehan.
Intervensaun ne’e halo deputadu hosi CNRT basa-liman no iha galeria hothotu, motiva avizu ida hosi prezidente Parlamentu Nasionál ba públiku.
SAPO TL ho Lusa