Parlamentu Nasional (PN) liu husi komisaun B nebe trata asuntu Defesa, Seguransa no Negosiu Estranjeirus inklui liders bankada sira, Kuarta (27/4/2016), halo audensia ho Ministru Defesa Cirilo Cristóvão no mos Ministru Interior Longuinhos Monteiro inklui Komandante Jeral PNTL Komisario Julio da Costa Hornay.
Audensia nebe halo durante oras 4 nia laran no taka ba publiku tamba karekter ba audensia portaun fexada.
Ba jornalista sira Vise Presidente Parlamentu Nasional (PN),Aderito Hugo hateten, enkontru koalia kona ba seguransa nian tamba ne’e maka ho karekter portaun fexada no laos enkontru foun.
“Ami regularmente PN halo enkontru ho entidades em relasaun ho defesa seguransa i nia karakter portaun fexada i laos konsume ba publik,” hateten Aderito Hugo.
Wainhira komfirma kona ba karik iha enkontru koalia mos sobre polemika nebe oras ne’e akontese hela iha F-FDTL, Deputadu ne’e hatete kestaun defesa seguransa ne’e kobre buat hotu.
Iha fatin hanesan Presidente Bankada CNRT Deputadu Natalino dos Santos hateten, enkontru koalia sobre situasaun real i kondisaun defesa, seguransa Timor nian.
Wainhira husu kona ba polemika nebe oras ne’e akontese hela iha F-FDTL Deputadu ne’e hatete ida ne’e lakoalia tamba kestaun ne’e kompetensia Governu no Presidente.
“ne’e ami la koalia, ne’e ba husu iha Governo ho Presidente, ne’e sira nia kompetensia, Parlamentu la koalia ida ne’e” dehan Natalino iha PN. Nes
Jornal Nacional