Organizasaun sira sosiedade sivíl nian lakohi ona sai "parente kiak" iha polítika públika Komunidade Nasaun Lia-portugés (CPLP) nian no iha lian ativa iha implementasaun Objetivu Dezenvolvimentu Sustentável (ODS) nian.
Hakarak ne’e manifesta iha loron-sesta ne’e ba imprensa iha sidade Praia hosi Edelfride Barbosa Almeida, portavós Sekretariadu Permanente Fórum Sosiedade Sivíl CPLP nian, ne’ebé realiza nia II Asembleia Jerál Extraordinária iha kapitál kabuverdiana.
"Ami hakarak reforsa ami-nia lian hamutuk ho CPLP, liu-liu iha momentu ne’ebé ami hasoru hafoin aprovasaun Objetivu Dezenvolvimentu Sustentável (ODS), ne’ebé iha pilár tolu: Governu, setór privadu no sosiedade sivíl", hatutan responsável ne’e.
Edelfride Barbosa Almeida, ne’ebé iha Kabuverde nu’udar prezidente Asosiasaun Kabu-verdiana ba Protesaun Família nian (Verdefam), hatete katak servisu sira organizasaun sosiedade sivíl nian hetan rekoñesimentu, maibé sei iha difikuldade boot hodi hetan fundu no meiu ne’ebé presiza tebes hodi implementa nia projetu no programa sira.
"Ami hakarak atu iha fatin ida no ami la sai de’it hanesan parente kiak ida iha sistema. Sosiedade sivíl kontribui ona iha ami-nia nasaun oioin, maibé sei iha falta apoiu barak, liu-liu finanseiru, hodi bele halo servisu ruma no elabora relatóriu sosiedade sivíl nian ida no bele integradu", nia hatutan.
Tuir portavós ne’e, organizasaun sira hakarak "halo presaun" nune’e bele iha polítika públika iha nasaun oioin sira CPLP nian no bele konkretiza atu bele alkansa 17 ODS ne’ebé Nasoins Unidas planeia.
"Ne’e baibain sosiedade sivíl presiza apoiu baarak, hodi integra no partisipa liu tan", nia apela, no sujere, nu’udar ezemplu, partisipasaun sosiedade sivíl nian iha Konsellu Konsertasaun Sosiál iha Kabuverde.
Durante Asembleia Jerál Extraordinária Fórum Sosiedade Sivíl CPLP nian sei aprova rejimentu ida, instrumentu jurídiku foun hafoin iha jullu 2015 aprova ona, iha Dili, Estatutu sira organizasaun nian.
Edelfride Barbosa haktuir katak rekomendasaun no dokumentu finál ne’ebé sai hosi fórum ikus mai sei aprezenta ba Sekretariadu CPLP nian, ho sede iha Lisboa, Portugál.
Aleinde Kabuverde, marka mós prezensa iha eventu ne’e organizasaun sosiedade sivíl Timor-Leste, Mosambike, Brazil, Angola no Portugál nian, falta mak Saun Tomé no Prínsipe, Giné-Bisau ho Giné Ekuatoriál, tanba problema iha dezlokasaun.
Enkontru Fórum Sosiedade Sivíl CPLP nian tuir mai sei hala’o iha Brazil, iha tinan ne’e.
SAPO TL ho Lusa
"Ami hakarak reforsa ami-nia lian hamutuk ho CPLP, liu-liu iha momentu ne’ebé ami hasoru hafoin aprovasaun Objetivu Dezenvolvimentu Sustentável (ODS), ne’ebé iha pilár tolu: Governu, setór privadu no sosiedade sivíl", hatutan responsável ne’e.
Edelfride Barbosa Almeida, ne’ebé iha Kabuverde nu’udar prezidente Asosiasaun Kabu-verdiana ba Protesaun Família nian (Verdefam), hatete katak servisu sira organizasaun sosiedade sivíl nian hetan rekoñesimentu, maibé sei iha difikuldade boot hodi hetan fundu no meiu ne’ebé presiza tebes hodi implementa nia projetu no programa sira.
"Ami hakarak atu iha fatin ida no ami la sai de’it hanesan parente kiak ida iha sistema. Sosiedade sivíl kontribui ona iha ami-nia nasaun oioin, maibé sei iha falta apoiu barak, liu-liu finanseiru, hodi bele halo servisu ruma no elabora relatóriu sosiedade sivíl nian ida no bele integradu", nia hatutan.
Tuir portavós ne’e, organizasaun sira hakarak "halo presaun" nune’e bele iha polítika públika iha nasaun oioin sira CPLP nian no bele konkretiza atu bele alkansa 17 ODS ne’ebé Nasoins Unidas planeia.
"Ne’e baibain sosiedade sivíl presiza apoiu baarak, hodi integra no partisipa liu tan", nia apela, no sujere, nu’udar ezemplu, partisipasaun sosiedade sivíl nian iha Konsellu Konsertasaun Sosiál iha Kabuverde.
Durante Asembleia Jerál Extraordinária Fórum Sosiedade Sivíl CPLP nian sei aprova rejimentu ida, instrumentu jurídiku foun hafoin iha jullu 2015 aprova ona, iha Dili, Estatutu sira organizasaun nian.
Edelfride Barbosa haktuir katak rekomendasaun no dokumentu finál ne’ebé sai hosi fórum ikus mai sei aprezenta ba Sekretariadu CPLP nian, ho sede iha Lisboa, Portugál.
Aleinde Kabuverde, marka mós prezensa iha eventu ne’e organizasaun sosiedade sivíl Timor-Leste, Mosambike, Brazil, Angola no Portugál nian, falta mak Saun Tomé no Prínsipe, Giné-Bisau ho Giné Ekuatoriál, tanba problema iha dezlokasaun.
Enkontru Fórum Sosiedade Sivíl CPLP nian tuir mai sei hala’o iha Brazil, iha tinan ne’e.
SAPO TL ho Lusa