Ministru Negósiu Estranjeiru Portugál nian, Augusto Santos Silva, defende, iha loron-sesta ne’e, katak portugés nu’udar "rekursu importante liu" Portugál nian no nasaun sira ne’ebé ko’alia lia- portugés, no subliña katak tenke promove hanesan lian mundiál ida mós.
"Valór aumentu ne’ebé importante tebes, Portugál nia ativu ne’ebé importante liu mak nia lian. Oras ne’e lia-portugés hanesan mós lian ne’ebé ema barak mak ko’alia iha Mundu, hanesan lian global ida, ko’alia iha kontinente hotu", destaka governante ne’e iha Lisboa, iha abertura hosi konferénsia internasionál EAQUALS (Evaluation & Accreditation of Quality in Language Services) nian, asosiasaun internasionál instituisaun no organizasaun sira ne’ebé envolve iha promosaun kualidade ensinu lian sira-nian, ne’ebé Camões IP sai hanesan membru horikedas 2013.
Iha públiku nia oin ho partisipante besik 270, hosi nasaun 39, Santos Silva refere katak, iha mundu tomak, besik ema millaun 250 ko’alia portugés hanesan lian materna.
"Ne’e hanesan rekursu ne’ebé importante tebes, ne’ebé la’ós Portugál nian de’it maibé nasaun lia-portugés sira hotu nian, ka, Portugál, iha Europa; Brazil, iha Amérika Latina; Angola, Mosambike, Giné-Bisau, Saun Tomé no Prínsipe ho Kabuverde, iha Áfrika, no Timor-Leste, iha Ázia", mensiona ministru ne’e, no aponta mós katak "fasilmente tebes haree komunidade sira ne’ebé ko’alia portugés mak la’ós hosi nasaun hirak ne’e", liu-liu iha nasaun sira hnesan Indonézia, Reinu Unidu, Estadus Unidus, Venezuela, Malázia ka Singapura.
Aleinde ne’e, nia hatutan, "nasaun sia iha ne’ebé portugés sai hanesan lian ofisiál reprezenta parte importante tebes ida iha mundu", iha referénsia ba membru sira Komunidade Nasaun Lia-portugés sira (CPLP - Angola, Brazil, Kabuverde, Giné-Bisau, Giné Ekuatoriál, Mosambike, Portugál, Saun Tomé no Prínsipe ho Timor-Leste).
Tenke promove portugés hanesan lian materna, maibé mós hanesan lian eransa nian: " ne’e importante tebes ba diáspora, [luzodesendente sira] tenke mantein kontaktu ho sira-nia inan-aman ka avó sira-nia lian", konsidera Santo Silva, no adianta katak portugés importante hodi promove kompreensaun entre povu sira iha nasaun multilinguizmu sira, hanesan Kabuverde, Mosambike ka Angola.
Tuir ministru ne’e, tenke promove portugés "hanesan lian komunikasaun, kultura, arte, literatura, negósiu, organizações internasionál sira-nian".
"Ita tenke servisu hamutuk tanba ita presiza lian internasionál ida, preferensialmente, rua ka tolu. Hanesan kazu inglés, españól, mandarin, árabe no mós portugés", subliña xefe diplomasia portugés ne’e.
"Maibé ita mós tenke hanorin no aprende lian hotu ne’ebé ita bele", defende Santos Silva, ne’ebé konsidera mós katak, bainhira promove multilinguizmu, promove "multikulturalizmu no kompreensaun entre ema".
"Bainhira ita husik lian sira lakon, ita sai kiak. Mundu nia kiak la’ós de’it ekonómiku, maibé mós kulturál no linguístiku", nia hatete.
SAPO TL ho Lusa
Iha públiku nia oin ho partisipante besik 270, hosi nasaun 39, Santos Silva refere katak, iha mundu tomak, besik ema millaun 250 ko’alia portugés hanesan lian materna.
"Ne’e hanesan rekursu ne’ebé importante tebes, ne’ebé la’ós Portugál nian de’it maibé nasaun lia-portugés sira hotu nian, ka, Portugál, iha Europa; Brazil, iha Amérika Latina; Angola, Mosambike, Giné-Bisau, Saun Tomé no Prínsipe ho Kabuverde, iha Áfrika, no Timor-Leste, iha Ázia", mensiona ministru ne’e, no aponta mós katak "fasilmente tebes haree komunidade sira ne’ebé ko’alia portugés mak la’ós hosi nasaun hirak ne’e", liu-liu iha nasaun sira hnesan Indonézia, Reinu Unidu, Estadus Unidus, Venezuela, Malázia ka Singapura.
Aleinde ne’e, nia hatutan, "nasaun sia iha ne’ebé portugés sai hanesan lian ofisiál reprezenta parte importante tebes ida iha mundu", iha referénsia ba membru sira Komunidade Nasaun Lia-portugés sira (CPLP - Angola, Brazil, Kabuverde, Giné-Bisau, Giné Ekuatoriál, Mosambike, Portugál, Saun Tomé no Prínsipe ho Timor-Leste).
Tenke promove portugés hanesan lian materna, maibé mós hanesan lian eransa nian: " ne’e importante tebes ba diáspora, [luzodesendente sira] tenke mantein kontaktu ho sira-nia inan-aman ka avó sira-nia lian", konsidera Santo Silva, no adianta katak portugés importante hodi promove kompreensaun entre povu sira iha nasaun multilinguizmu sira, hanesan Kabuverde, Mosambike ka Angola.
Tuir ministru ne’e, tenke promove portugés "hanesan lian komunikasaun, kultura, arte, literatura, negósiu, organizações internasionál sira-nian".
"Ita tenke servisu hamutuk tanba ita presiza lian internasionál ida, preferensialmente, rua ka tolu. Hanesan kazu inglés, españól, mandarin, árabe no mós portugés", subliña xefe diplomasia portugés ne’e.
"Maibé ita mós tenke hanorin no aprende lian hotu ne’ebé ita bele", defende Santos Silva, ne’ebé konsidera mós katak, bainhira promove multilinguizmu, promove "multikulturalizmu no kompreensaun entre ema".
"Bainhira ita husik lian sira lakon, ita sai kiak. Mundu nia kiak la’ós de’it ekonómiku, maibé mós kulturál no linguístiku", nia hatete.
SAPO TL ho Lusa