Sentru foun ida inkubasaun nian aprezenta tiha ona iha Timor-Leste hanesan parte importante ida hosi Estratéjia Dezenvolvimentu ba Akuakultura Nasional nian (2012-2030). Objetivu hosi planu ne'e maka hamenus desnutrisaun no aumenta konsumu ikan nian ba 6-15 kg per kapita to'o 2020.
Genetically Improved Farmed Tilapia (GIFT) fornese ona, ba dala uluk, ba Timor-Leste iha fulan-Abril 2015, bainhira sede WorldFish iha Malázia haruka ona inkubasaun hosi ikan sira ba Gleno, iha Ermera.
WorldFish dezenvolve ona liñajen GIFT, ne'ebé dezenvolve variedade boot ida hosi ambiente sira no bele aumenta lalais 50-80% duké kualidade seluk hosi ikan sira ne'ebé ladi'ak.
Agora daudaun halo iha nasaun 14 no iha kuantidade karbonu ki'ik duké karau ka fahi ruma. Hanesan fonte ida ne'ebé nakonu ho Ómega-3, ne'ebé hanesan belun ba fuan, no iha nutriente balun ne'ebé importante ba dezenvolvimentu ba labarik no feto-isin rua sira.
Ministru Agrikultura no Peska Timor-Leste nian, Estanislau da Silva, hatete ona katak dezenvolvimentu akuakultura hanesan prioridade prinsipal ida ba atuál governu.
"Ikan sira hosi bee-midar, liuliu, iha potensial ida tanba nia versatilidade, kualidade nutrisional sira no potensial hodi aborda ba disponibilidade ikan sira nian no bele tulun komunidade sira ne'ebé ladún iha rekursu sira iha área ne'e".
Inkubatóriu iha potensial hodi prodús to'o ikan millaun lima tinan-tinan. Bele fornese hodi apoia indústria akuakultura nian, ne'ebé aumenta daudaun, iha Timor-Leste no reseita sira bele investe fali iha inkubadora ba kurtu sira funsionamentu no dezenvolvimentu nian.
"Timor-Leste iha planu ambisiozu ida negósiu nian hodi harii área akuakultura nian no inkubatóriu ne'e sei kaer knaar importante ida iha fornesimentu ba stock di'ak hosi kualidade ba kria no semente sira ne'ebé sei garanti atu objetivu prinsipal sira bele kumpri", hatutan hosi Nigel Preston, diretór-jerál WorldFish nian.
Nia hakotu katak: "Ho akuakultura fornese seguransa hahán no nutrisaun ne'ebé di'ak ba timoroan sira. WorldFish kontinua empeñada nafatin hodi apoia kresimentu iha área ne'e".
SAPO TL - Fonte: Worldfishing & Aquaculture– Foto: EPA@ Paulo Novais