DILI – Primeiru Ministru Rui de Araujo hatete, too agora nia parte (PM Rui), seidauk simu karta husi partidu sira neebe halo koligasaun, para atu revei komposizaun iha Governu.
Kestaun nee PM Rui hatoo ba jornalista sira hafoin remata enkontru ho PR Taur Matan Ruak, iha Palasiu PR, Nicolau Lobato, Kuarta (14/04/2016).
Depende ba partidu sira neebe forma koligasaun, wainhira sira hatete mai hau nudar xefi Governu katak, presiza halo revizaun hau konsideira, I klaru ke hau sei uja mos hau nia kompetensia hanesan xefi Governu para atu tetu, maibee too agora seidauk iha pedidu ida husi partidu sira neebe halo koligasaun atu revei komposizaun iha Governu,” dehan PM Rui.
Xefe Estadu hatete, koligasaun politiku nee iha Parlamentu Nasional (PN) nia ambitu de trabaillu maka hare nivel de Governu. Enkuantu pedidu ida nee laiha, Governu halao nia servisu hanesan bain bain.
Iha parte seluk Deputadu Bankada PD Paulino Monteiro hatete, partidu demokratiku responde deit karta neebe mai husi partidu CNRT hodi husu dialogu maibe laiha resposta, mais PD la haruka karta ba Primeiru Ministru. Informasaun kompletu iha STL Jornal no STL Web, edisaun Sesta (15/4/2016). Carme Ximenes
Suara Timor Lorosae