Programa internasional Aircop hodi kombate tráfiku droga sira no dalan ilegal sira seluk sei aplika iha aeroportu internasional Guiné-Bissau nian, hatete hosi fonte ONU nian ba Lusa iha loron-segunda ne'e.
Formasaun inisial sei selesiona membru foun sira ba unidade sei hahú iha loron-segunda iha Bissau no sei iha prezensa hosi formadór sira hosi autoridade portugés nian, hosi Organizasaun Mundial ba Alfándega sira, Interpol ho Polísia Judisiáriu guiniense nian.
Objetivu maka harii "sélula anti-tráfiku ida" iha aeroportu, "ho ligasaun sira iha tempu real" ho mundu tomak "ba interkámbiu hosi informasaun kriminál sira", hatutan ona hosi fonte hanesan hosi Eskritóriu ONU nian ba Droga ho Krimi Organizadu (UNODC).
Hamutuk elementu na'in 25 hosi forsa oioin guiniense nian sei partisipa iha momentu dahuluk formasaun nian ne'ebé hala'o to'o loron 22 no sei hakotu asaun sira treinu nian iha kontestu serbisu nian.
Hanoin ona instalasaun ba gabinete no ekipamentu sira vijilánsia nian no inspesaun iha Aeroportu Internasional Osvaldo Vieira, iha Bissau, ho kapasidade halo ligasaun iha tempu loloos ba baze sira informasaun nian hanesan ezemplu hosi Organizasaun Mundial Alfándega sira nian no Interpol.
Unidade Aircop sei halo parte hosi elemenrtu sira hosi autoridade oioin ne'ebé prezente ona iha fatin.
Programa funsiona iha nasaun 24 iha Áfrika, Amérika Latinu no Karibe no promove hosi UNODC, hosi Organizasaun Mundial Alfándega sira nian no hosi Organizasaun Internasional ba Polísia Kriminal (Interpol).
Finansiamentu atribui hosi Komisaun Europeia no programa iha mós apoiu hosi Kanadá ho objetivu jeral maka kombate rede ilegal sira droga nian no produtu ilegal sira seluk.
SAPO TL ho Lusa