DILI - Joventude neebe iha kapital komesa tuda malu iha tempu kalan neebe halo povu senti tauk lao, deputadu balu iha Parlamentu Nasional (PN) husu atu troka ulun boot iha institusaun seguransa tamba laiha kapasidade.
Tuir Prezidente Komisaun B PN asuntu seguransa, defeza no negosiu estranjeiru David Dias Ximenes hatete oras nee iha bairo balun komesa tuda malu, oho malu, nee iha duni polisia hatudu failansu PNTL sira nian.
Joven sira kontinua tuda malu tamba failansu husi komandante sira nian neebe lakaer metin filsafat PNTL nian, kuandu joven sira kontinua halo problema iha fatin-fatin komandante laiha kapasidade, nee tenki troka hotu tamba sira la mampu,” dehan David ba Jornalista (28/03/2016) iha PN.
Nia hatete prosesu dezemvolvimentu neebe mak iha susar atu lao ba oin tamba laiha seguransa, tan nee seguransa metin hodi kria justisa ba ema hotu bele kria situasaun moris iha harmonia nia laran.
Iha fatin hanesan deputadu Bankada CNRT Cesar Valente hatete availasaun neebe diak liu ba servisu PNTL nian, mak populasaun sira durante nee senti prezensa PNTL sira nia servisu senti Seguru. Informasaun kompletu iha STL Jornal no STL Web, edisaun Tersa (29/3/2016). Timotio Gusmao
Suara Timor Lorosae