Karta ida ho hanoin "firmi no vontade maka'as" hosi Governu timoroan hodi sosa partisipasaun hosi Oi iha Timor Telecom sei haruka ba Brazil iha loron-sesta, hatete, iha loron-kinta, hosi responsável konsórsiu ne'ebé reprezenta operadora ba Lusa.
"Ami hein atu haruka karta ba PT Participações SGPS SA-Oi, liuhosi konsórsiu, tarde liu iha loron-sesta ho intensaun firmi no vontade maka'as hosi Governu hodi sosa", hatete hosi Ivan Pereira de Araújo, responsável hosi Konsórsiu VSLN/Thelson/Bona Fide, ba Lusa.
Konsórsiu ne'e hetan mandatu hosi Oi hodi halo "negosiasaun efetivu no fa'an asaun sira" ne'ebé sira kaer iha Timor Telecom (TT).
Ivan de Araújo esplika ona ba Lusa katak simu informasaun sosa nian hosi ministru Obras Públika, Transporte no Komunikasaun nian, Gastão de Sousa no hosi diretór jerál hosi ministériu hanesan, Joanico Gonçalves.
"Ha'u simu informasaun katak Konsellu Ministru sira aprova tiha ona iha loron-kuarta hodi sosa partisipasaun. No ohin ami hasoru malu durante loron tomak hodi adopta providénsia ne'ebé aseitavel ho karta intensaun hosi Governu ne'ebé sei haruka ba Oi liuhosi konsórsiu", nia esplika.
Komunikadu imprensa hosi Governu kona-bá reuniaun hosi Konsellu Ministru sira iha loron-kuarta, ne'ebé fó sai iha loron-kinta ne'e ladún loloos kona-bá desizaun hodi sosa, avansa hosi fonte ida ezekutivu nian iha loron-kuarta ba Lusa.
Esplika de'it katak Konsellu Ministru sira rona ona análize hamutuk ida hosi Ministériu Finansa no hosi Ministériu Obras Públiku, Transporte ho Komunikasaun nian "kona-bá Timor Telecom, iha ámbitu hosi dezenvolvimentu setór nian no hosi pozisaun empreza nian iha ekonomia nasional".
"Aprezentasaun inklui estudu ida kona-bá evolusaun hosi Timor Telecom no nia situasaun finanseiru, nune'e mós análize ida hosi kustu no benefísiu sira ba eventuál aumentu hosi partisipasaun Estadu nian iha empreza, hanoin mós ba situasaun atuál hosi merkadu sira telekomunikasaun nian", refere hosi komunikadu.
Iha kauza maka iha parte boot hosi kapitál TT (54,01%), kontrola hosi sosiedade Telecomunicações Públicas de Timor (TPT) ne'ebé Oi kontrola 76% hosi nia kapitál, no tau hamutuk ho partisipasaun ida diretu hosi PT Participações SGPS ho 3,05%.
Asionista hosi TPT sira seluk maka Fundasaun Harii - Sosiedade ba Dezenvolvimentu Timor-Leste nian (iha ligasaun ba dioseze Baucau nian), ne'ebé kontrola 18% no Fundasaun Oriente (6%).
Iha TT, kapitál fahe entre TPT (54,01%), Estadu timoroan (20,59%), empreza ho sede iha Makau VDT Operator Holdings (17,86%) no emprezáriu timoroan Júlio Alfaro (4,49%).
SAPO TL ho Lusa