DILI – Governu Timor Leste liu husi Ministeriu Finansas (MF) kontinua impresta tan osan husi Agency Development Bank (ADB) ho montante Milliaun 76, hodi halo rehabilitasaun Estrada diresaun Baucau ba Lautem, Maubara Karimbala no Atabae ba Batugade.
Informasaun nee fo sai husi Vise Ministru Finansas, Helder Lopes, ba jornalista sira iha salaun enkontru Ministeriu Finansas, Sesta (04/03/2016) wainhira remata asina akordu ho ADB.
Governu liu husi Ministeriu Finansas hamutuk ho ADB asina imprestimu ba dala 4 no total imprestimu hamutuk milliaun 76 para finansia projeitu Estrada Baucau ba Lautem, Maubara Karimbala no Atabae ba Batugade no osan imprestimu nee nia funan 2.2% no funan nee ita kompara ho ita nia media retornu fundu petroliferu funan nee kiik,” dehan Helder.
Nia hatutan konaba periodu neebe mak TL sei uja hodi selu osan imprestimu mak tinan 25 nomos hahu husi asina akordu too tinan 5, TL sei la selu maibe depois liu tinan 5 foin selu durante tinan 25 nia laran. Laos nee deit nia dehan osan neebe governu TL impresta nee atu kontribui ba dezenvolvimentu liu-liu hadia Estrada.
Iha fatin hanesan Ministru Obras Publiku (MOP), Gastao de Sousa, hatete osan Impresta neebe mak governu impresta husi ADB nee governu mos tau tan 25% hodi hadia Estrada no oras nee loke ona konkursu ba kompania inernasional sira. Informasaun kompletu iha STL Jornal no STL Web, edisaun Sabado (5/3/2016). Thomas Sanches/Timotiu Gusmao
Suara Timor Lorosae