DILI - Konferensia Nasional Veteranus Libertasaun Nasional ba dala uluk, konsege desidi loron Nasional Veterenus monu iha loron tolu Marsu, nomos hinu nasional veteranus sira nian.
Tuir Vice Prezidente Meja Konferensia atual Vice Ministru Solidaridade Sosial Miguel Manetelu katak konferensia nasional veteranus durenta loron tolu konsege produs rezolusaun 9, akta konfrensia 9 no relatoriu husi komisaun 3.
Iha rezolusaun rua mak koalia kona ba loron nasional Veteranus, hanesan konaba data loron nasional veteranus disidi iha rezolusaun dia 3 Marsu nomos hinu marsa ba veteranus nian mak tres de marso,” dehan Miguel ba Jornalista, Kinta (03/03/2016) iha Sentru Konvensaun Dili.
Nia hatete maske dekretu lei neebe mak iha sei hanesan proposta data iha dekretu lei, maibe veteranus sira ejiji liu husi konferensia nee termina kedas loron nasional veteranus tamba nee hasai rezolusaun hodi legaliza loron 3 Marsu sai hanesan loron Nasional ba Veteranus.
Iha fatin hanesan Prezidente Meja Konferensia Nasional Veteranus Francisco Guterres LU-OLO le sai deklarasaun final katak Konferensia Nasional Veteranus Kombatentes Libertasaun Nasional ba dala uluk, neebe halao iha sentru konvensaun Dili husi loron 1 too 3 Marsu 2016 neebe partisipa husi 650 konferensistas no konferensia lao diak iha dinamika neebe domokratiku.
Nunee mos eis Girileriu autal Xefi Estadu Major Jeneral F-FDTL Lere Anan Timor hatete problema neebe mak iha too deit veteran, tamba sempre fo lisaun ba iha jeresaun foun sira katak veteranus fahe malu nasaun nunka lao ba oin. Informasaun kompletu iha STL Jornal no STL Web, edisaun Sabado (5/3/2016). Timotio Gusmao
Suara Timor Lorosae