DILI – Eis Prezidente Parlamentu Nasional Fransisco Guteres Lu Olo husu governu Australia atu iha vontade neebe diak, hodi diskuti lina fronteira martima neebe mak too oras nee seidauk rejolve.
Deklarasaun nee fo sai husi Lu Olo ba jornalista iha Centru Convensaun Dili (CCD) Kinta (25/02/2016), wainhira remata partisipa iha enkontru Forum Global Ekonomicu CPLP.
Governu Austalia governu ida neebe mak bot tebes tanba nee iha tempo kotuk liu ba too agora nia la hatudu ninia vontade neebe mak diak para atu halo negosiasaun ho governu Timor Leste konaba fronteira maritima,” dehan Lu Olo.
Nia husu governu Australia atu respeita karta neebe mak manda ona husi governu Timor Leste hodi tur hamutuk atu diskute lina fronteira, tanba laiha ona dalan seluk atu diskute fronteira maritima tanba nee dalan neebe mak pais rua nee foti liu-liu Timor Leste mak liu husi dalan dialogu.
Iha fatin ketak tuir responsavel Movimentu Kontra Okupasaun Tasi Timor, Juvinal Dias, mos hatete MKOTT kontinua ejiji Australia liu husi dalan oin-oin atu nunee bele tur hamutuk ho TL hodi halo dialogu nomos sei kontinua halo manifestasaun iha futuru hasoru Australia. Informasaun kompletu iha STL jornal no STL Web, edisaun Sesta (26/2/2016). Thomas Sanches
Suara Timor Lorosae