DILI - Governu Timor Leste husik Munisipiu no postu Administrativu iha Nasaun Timor Leste sai izoladu, tamba laiha rekursu Umanu no kompetensia hodi foti dezisaun ba problema neebe mak iha hodi dezemvolve.
Tuir Prezidente Republika Taur Matan Ruak katak Estadu Timor Leste Estadu sentralijador tamba sentralija kompetensias, poderes preveleiju no sensibelmente espreja rekursu estadu Timor nian, husi hela Timor oan rihun ba rihun hanesan segunda klasik iha nia rai rasik.
Kontitusional koalia konaba desentralizasaun no sentralizasaun, tinan 12 depois, ita husik hela munisipiu sira, husik hela postu administrative sira izoladu sein rekursu, sei kompetensia, toba ho problema moris ho problema,” dehan Taur liu husi Mensazen Estadu, Kinta (25/02/2016) iha PN.
Nia hatete kuandu vizita iha Munisipiu Aileu hare MDGs ladiak, konsege koalia maun Xanana katak projetu nee ladiak, maibe Xanana dehan diak tan nee ohin MDG’s sai hanesan kankru ida gasta milloens la halo buat ida.
Taur hatete problema eskola, profesores sira partilia sala, professor ho nia ferik oan toba iha sorin hanorin labarik sira iha sorin, no mos iha eskola balun Profesores sira fila sintina sai sira nia eskritoriu.
Taur haruka Tribunal fiskalijasaun ba fundu infraestrutura tamba oposizaun laiha, Presidente mak sai fali oposizaun, nunee iha 28 Janeiru haruka karta 2 ba Primeiru Ministru Primeiru hodi husu estudu viabilidade, konaba projeitu tasi mane no ZEESM Ocusse. Informasaun kompletu iha STL jornal no STL Web, edisaun Sesta (26/2/2016). Timotio Gusmao
Suara Timor Lorosae