Ezekusaun fiziku projetu Estrada Manatuto ba Laclubar ne’ebe tama ona ba tinan ida, maibe foin maka atinji 12%.
Projetu ne’ebe ejekuta husi kompanhia internasional R.D Intrerior Junior Construction husi Filipina ne’e hamosu preokupasaun boot ba Komisaun E Parlamentu Nasional (PN) ba asuntus Infra-Estrutura, Transporte no Komunikasoens, tanba atrazadu tebes.
Liu husi fisklaizasaun Komisaun E nian ba projetu ne’e, Kuarta (17/2/2016), membru Komisaujn E Manuel Castro, kontesta maka’as tanba ezekusaun projetu ne’e han tena tempu tinan ida, mas nminia evolusaun fiziku foin atinji 12%.
Situasaun seluk ne’ebe sai proekupasuan Komisaun E nian maka trabalhadores sira ne’ebe servisu ba projetu Estrada ne’e la utuliza ekipamentu kahor massa (moleng), maibe kedok masa manual deit.
Engineiro R.D Interior Junio Construction, Pedro Andres, rekonhese ba Komisaun E katak, durante ne’e trabalhadores sira servisu manual liu, tanba makina dulas massa nian at tena no hameno hela iha Filipina.
Pedro Andres lia tun ba membru Komisaun E katak, projetu ne’e atrazu oituan tanba infrenta hela difikuldades kona-ba fatuk no servisu halao iha tempu udan.
“Kontratu ho Governu tenke finaliza ona iha tinan rua ho balun nia laran no iha tinan ida ho balun tenke atrinji ona 50%, maibe a foin maka atinji 12% tanba kompanhia mos infrenta hela problema materiais no tempu udan halo servisu ladun efetivu,” hateten Pedro Andres.
Biban ne’e, Deputadu Manuel Castro hateten, kompanhia refere iha esperensia diak wianhira kaer projetu Estrada Luquiça-Maubara, maibe ohin loron kompanhia halo servisu atraza fali no susar ba PN atu hetan informasaun.
“Sira ladun loke an ba ita no husu ba Governu atu tau grupo Project unit manejer para bele halo akompanhamentu,” hateten Manuel Castro.
Deputadu ne’e hatutan ohin husu mos relatorio kompletu maibe nia koalia sorin, sorin nia taka hela.
“Ami persija kontaktu fila fali ba Ministeriu Obras Publiku ho Agensia Dezenvolvimento Nasional (ADN) atu halo akompanhiamentu pro-ativu nune’e lab ele hamosu fali nia audiosional ida liu fali 50%,” hateten Manuel Castro.
Deputadu ne’e mos husu Governu tenki hare ida ne’e no Komisaun E PN nian sei levanta kestaun ne’e iha plenaria i husu Ministru tau atensaun tamba projeitu sira ne’e asina tinan ida depois nia projeitu fisika mak atinji 12% ida ne’e mak persija koalia ho Governu. nes
Jornal Nacional