DILI – Governu Timor Leste manda ona karta ba Australia hodi husu atu hahu halo dialogu, liu-liu konaba negosiasaun fronteira maritima neebe mak too oras nee seidauk iha solusaun entre pais rua nee.
Informasaun nee fo sai husi Sekretariu Estadu Konsellu Ministru, Avelinho Coelho, ba jornalista sira iha ninia servisu fatin Palacio Governu, Kuarta (17/02/2016).
Governu manda ona karta ida ba Primeiru Ministru Australia para atu koalia fila fali negosiasuan fronteira martima ida nee mak intensaun estadu Timor nian, konaba ita nia direitu liu-liu ba limitasaun fronteira martima no problema fronteira martima laos governu nian deit maibe ita hotu nian, tanba nee husu ba hotu-hotu atu hamutuk tantu povu, akademiku, sosiadade sivil no seluk tan hodi luta ba ita nia direitu,” dehan Avelinho.
Nia hatutan maske TL ukun ona ona maibe seidauk ukun an 100%, tanba seidauk hatene lolos hodi difini fronteira martima tanba nee ejijensia neebe mak governu halo nee, bajeia ba direitu internasional maske Australia seidauk iha resposta.
Iha fatin ketak tuir Peskijador Organijasaun Non Govermental Lao Hamutuk, Juvinal Dias, mos hatete durante nee Asutralia kontinua dada tempu atu halo negosiasaun fronteira martima ho TL, tanba tauk atu lakon tanba argumentu Australia atu defende direitu ba Area tasi Timor nee fraku tebes. Informasaun kompletu iha STL Jornal no STL Web, edisaun Kinta (18/2/2016). Thomas Sanches
Suara Timor Lorosae