DILI - Nomeasaun Major Jeneral foun iha Institusaun Falintil Forsa Defeza Timor Leste (F-FDTL), partidu CNRT Konsidera kontra Konstitusaun RDTL tamba la tuir proposta husi governu no Partidu Fretilin Husu publikasaun iha Jornal Republika.
Liu husi Deklarasaun Politika Xefi Bankada CNRT Natalino dos Santos hatete Noemasaun foun ba xefi Estadu Forsa Armada la tuir artigu 86 Konstitusaun Republika, tan nee Bankada CNRT Preokupa ba Nomeasaun nee liu husi media Sosial no komonikasaun Imprensa.
Nomeasaun xefi estau major Jeneral forsa armada tau inkestoens Inkonstitusionalidade aktu sira nee tamba prezidente Republika ho inisitavia rasik nomea xefi estadu major Jeneral la tuir proposta husi governu,” dehan Natalino liu husi Sesaun Plenaria, Tersa (16/02/2016) iha Parlamentu Nasional.
Nia hatete bankada CNRT foti pozisaun hodi hatoo deklarasaun politika husu klarifika atu hatur lolos prosesu nemoeasaun ba kargu xefi Militares iha Timor Leste, tenki tuir lolos hanesan konstitusaun haruka.
Iha fatin hanesan Deputadu bankada Fretilin Francisco Miranda Branco hatete Nudar Deputadu bankada Fretilin preokupa no lamenta ba situasaun neebe dezarola dadaun iha Nasaun Timor Leste, hafoin Desizaun husi Prezidente Republika.
Hatan ba preokupasaun nee Sekrateriu Estadu Asuntu Parlamentar Maria Terezina Viegas hatete nia parte laiha kompetensia hodi hatan, maibe sei lori preokupasuan neebe mak iha ba iha konseilu Ministru. Informasaun kompletu iha STL Jornal no STL Web, edisaun Kuarta (17/2/2016). Timotio Gusmao
Suara Timor Lorosae