FATUBULO - Komunidade suku Fatubulo, Postu Administrativa Hatulia, Municipiu Ermera preokupa ho karte demisaun neebe mak Presidente Taur Matan Ruak fo ba Maijor Jeneral Lere Anan Timor.
Certorio Madeira hanesan komunidade suku Fatubolu, preokupa tebes hoo karta demisaun neebe mak Presidente Taur Matan Ruak fo ba Maijor Jeneral Lere Anan Timur, tamba demisaun nee tuir sira simu ho kontenti ka ou mosu implikasaun ruma ba Timor.
Durante nee ami rona katak iha televizaun fo sai ona karta demisaun ba Senhor Lere Anan Timur karik ida nee nia demisaun simu ho kontenti ka ou mosu implikasaun ruma ba ita Timor,” dehan Certorio, bainhira iha sesaun husu no hatan iha dialogu ho PR Taur Matan Ruak, iha suku Fatubolu, Postu Administrativa Hatulia, Municipiu Ermera, Tersa (16/02/2016).
Tuir nia katak, demisaun neebe mak Maijor Jeneral Lere Anan Timor simu, nee tuir Presidente Republika nia hanoin halo nusa.
Hatan ba kestaun nee Presidente Republika Taur Matan Ruak hatete, Laos demisaun bolu dehan ejonerasaun, tamba tuir lei xefe Estadu Maiyor Jeneral, Vise Xefe Estadu Maior Jeneral no xefe Estadu Maior sira nain 3 nia mandatu hotu iha Otubru, i entaun se mandatu hotu tenke iha fatin 2 ou mandatu hotu sira sae foti seluk ou halo extensaun katak sira aumenta tan.
Presiidente deside atu Jeneral Lere hakotu ninia misaun foti jeneral Meno ba fali ninia fatin, Governu sei koalia, mais Presidente toma tiha ona desizaun, tamba nee Presidente prontu para responsabiliza, tangung jawab Presidente lahasai ou laretira fali,” dehan PR Taur.
PR Taur hatete, Jeneral Lere lahalo problema, tamba halo funu nee laos para Jeneral Lere sae Jeneral ou Matan Ruak sae Presidente, halo funu para moris diak. Xefe Estadu hatete, tamba saida Jeneral Lere, Jeneral Meno, Koronel Falur sira idade boot liu nia, sira mak sai uluk. Informasaun kompletu iha STL Jornal no STL Web, edisaun Kuarta (17/2/2016). Carme Ximenes
Suara Timor Lorosae