DILI-Xefe Estadu Maior F-FDTL Major Jeneral Lere Anan Timur hatete, diak liu Timor Leste lalika buka problema ho Indonesia, tamba bainhira Timor Leste buka problema ho Indonesia mak seguransa rai laran sei la hakmatek.
Major Jeneral Lere hatete, Timor nee rai kiikoan kompara ho Indoensia, tamba nee estababilidade seguransa presiza iha interligasaun, interdependensia entre nasaun vizinu sira.
Ba Timor Indonesia ita vizinu, o hakarak ka lakoi o tenke iha relasaun diak, se bainhira ita buka problema, ita mak sei moris lahakmate,” dehan Major Lere ba jornalista sira, hafoin remata enkontru ho Presidente Republika Taur Matan Ruak, iha Palasiu PR Nicolau Lobato, Dili, Kuarta, (03/02/2016).
Nia hatete, Ministeiru Defesa Indonesia neebe partisipa iha aniversariu Forsa Armadas nee positivu ho kestaun de rekonseliasaun. Timor tuir Major Jeneral Lere katak, moris ho Indonesia durante tinan 24, ema barak mate, tantu husi Timor nia ema no mos Indonesia nia ema .
Entertantu Iha Biban nee mos Xefe Estadu Maior F-FDTL Maijor Jeneral Lere Anan Timor, Informa mos kestaun loron Aniversariu Forsa Armadas nian, no Saude Minilitar Indonesia neebe atraka fo asitensia ba komunidade ho Forsa Armadas sira ba Presidente Republika Taur Matan Ruak.
Iha parte seluk membru komisaun B PN, asuntu defesa e Seguransa, deputadu Jacinto Viegas hatete, Indonesia hanesan nasaun neebe mak viziu ho Timor Leste, tamba nee tenke kria relasaun diak ho sira, maske iha pasadu neebe mak metan entre TL ho Indonesia. Informasaun kompletu iha STL Jornal no STL Web, edisaun Kinta (4/2/2016). Carme Ximenes
Suara Timor Lorosae