DILI - Xefe Estadu Maior F-FDTL Major Jeneral Lere Anan Timor hatete, Governu tenke kria kondisaun ba intelejensia sira, para nunee bele detekta terorismu iha rai laran.
Se mak terorismu ita lahatene, terorismu nee ema ida ke bele husi rai laran no husi rai liur, agora kestaun ke ita nia Governu tenke kria kondisaun ba intelejensia sira para bele detekta terorismu,” dehan Lere ba jornalista sira, hafoin remata enkontru ho Presidente Republika Taur Matan Ruak, iha Palaciu PR Nicolau Lobato, Dili, Kuarta (03/02/2016).
Major Jeneral Lere afirma tan katak, laos intelejensia mak fraku, maibee kondisaun neebe sira servisu ba nee mak fraku, tenke iha kordenasaun ho populasaun sira.
Iha fatin hanesan Ministru Interior Longuinhos Monteiro hatete, nia apar ho kestaun nee desde iha primeiru, infiltrasaun terorismu laiha, duke akontese iha koperasaun ho pais vizinu sira nee, hanesan Indonesia, Autralia ho pais sira seluk, kuandu ema ida prokural terorismu nian, halai iha sira ninia area. Informasaun kompletu iha STL Jornal no STL Web, edisaun Kinta (4/2/2016). Carme Ximenes
Suara Timor Lorosae