Ministeriu Administrasaun Estatal (MAE) propoin milhoens 20 USD iha proporta orsamentu jeral estadu (OJE 2016.
Ministru do Estado Kordenador Asuntus da Administrasaun do Estado, Dionisio da Costa Babo Soares, hateten katak, orsamentu MAE nian iha tinan 2016 hamutuk miloens 20 USD, kompara ho tinan kotuk, miloens 40 USD-resin, tanba iha Programa Nasional Dezenvolvimentu Suku (PNDS).
“Hau hakarak dehan, OJE 2016 MAE nian iha miloens 20 USD, iha tinan kotuk kuaze 40 Milhoes resin, tanba iha PNDS no PDID, maibe tinan ne’e PNDS no PDID muda tiha ona ba iha Ministeriu Planeamentu Investimentu Estratejiku (MPIE), tanba ne’e maka ami nian diminui tiha, dehan Dioniosio Babo Soares ba JN-Diario iha Hotel Fantiza, Praia dos Coqueros, Dili, Sabado (11/07/2015), bainhira sai orador In House Training ba Media Partidu Klibur Profesional (KP) CNRT.
Membru Governu ne’e haktuir tan, programa prioridade MAE nian iha tinan 2016 kontinua deit husi tinan 2015 nian hanesan reforma Administrativa prosesu desiminasaun la’o nafatin, preparasaun ba eleisaun jerais 2017, dezenvolve liu tan problema infraestrutura balun hanesan iha INAP no seluk iha Arquivo Nasional, mais INAP nian ne’e re-organiza fali instituto INAP ne’e sai hanesan instituto pedagojika ida atu nune’e sai hanesan fatin ida hodi prepara ita nia funsionalismo publiku, Diagnostika Nasional ne’ebe mak iha ligasaun ho reforma Administrasaun Publika.
Iha parte seluk, ejekusaun OJE 2015 MAE nian oras ne’e dadaun atinji ona pursentu 40 (% 40), mais membru Governu ne’e garante katak iha primeiru trismestre bele atinji ona pursentu 50. mia
Jornal Nacional