Diretor Paradise Tour&Travel, Vincen Tjungnuady hateten, folin tiket Dili-Atambua no Dili-Kupang iha diferensia duni tamba depende ba mudansa tempu.
“Ne’e tempu. Se harga (folin) mina iha Indonesia sa’e entaun folin tiket mos sa’e. Folin ami nian Dili ba tun Fronteira Mota Ain $ 13 ba Atambua $ 16 no Dili-Kupang $ 23 ne foin sai kira kira (Mais ou menus) fulan 5 ka 6 nune’e,”dehan Vincen Tjungnuady ba Jornal Nacional Diário iha nia servisu fatin Prezidente Nicolau Lobato Fatuhada, Dili, Sesta (10/ 7/ 2015).
Nia hateten tan, kona-ba pasajeirus agora ne’e rame maka’as los. Tamba ema Indonesia sira fila ba partisipa loron bo’ot Idul Fitri.
“Ami nian Travel ne’e tula deit ema nain 11 tanba kadeira iha laran ne’e nain 11 deit. ne’ebé ami labele tula ema liu husi ida ne’e,”informa nia.
Paradise Trour & Travel halo aktividade loron- loron, hahú husi Segunda to’o Domingo.
“Ami nia kereta ne’e loron-loron ba terus dala ruma loron ida kareta 1 mak sai selae kareta 2 ou 3 mak sai. Kuandu pasajeirus rame ne’e iha liburan (ferias) ou iha tempu Natal,”dehan nia.
Tuir nia katak, kareta Paradise Tour&Travel iha Timor-Leste ne’e hamutuk 5, maibe iha Kupang hamutuk 10.Car
Jornal Nacional