Rekrutadór ida hosi grupu radikál Estadu Islámika nian iha Síria, ne’ebé deskunfia inklui mos ba iha planu hodi halo atentadu durante komemorasaun loron memória koñesidu hanesan 'Anzac Day' mate ona, tuir saida maka imprensa australiana fó sai.
Notísia kona-ba Neil Prakash ninia mate fó sai liu hosi mensajen telegram, haktuir Herald Sun, no sita hosi membru ida hosi grupu Estadu Islámika.
Jornál ne’e haktuir klean kona-ba oinsá, bainhira no iha ne’ebé maka Prakash mate, hafoin husik Austrália iha 2013.
Portavós ida hosi Prokuradoria jerál australiana, George Brandis dehan katak Governu “labele konfirma lai kona-ba notísia hosi Neil Prakash ninia mate ba oras ne’e daudaun, tanba mosu inseguransa iha Síria nomós Irak”.
Prakash – ne’ebé koñesidu ho Abu Khaled al-Cambodi – mos deskunfia envolve ba iha planu atake iha Anzac Day, bainhira Australia fó onra ba ninia ema sira ne’ebé mate durante kombate.
Sevdet Besim, ho tinan 19 enfrenta ona akuzasaun haat relasiona ho planu atake iha 25-abril tinan kotuk. Komemora eventu refere hodi fó omenajen ba membru hosi Australian and New Zealand Army Corps (ANZAC) ne’ebé luta iha Gallipoli, durante I Guerra Mundiál, maka Anzac Day ohin loron hanesan loron memória ba sira ne’ebé “fó-aan no mate iha funu, konflitu nomós operasaun dame nian”.
SAPO TL ho Lusa
Notísia kona-ba Neil Prakash ninia mate fó sai liu hosi mensajen telegram, haktuir Herald Sun, no sita hosi membru ida hosi grupu Estadu Islámika.
Jornál ne’e haktuir klean kona-ba oinsá, bainhira no iha ne’ebé maka Prakash mate, hafoin husik Austrália iha 2013.
Portavós ida hosi Prokuradoria jerál australiana, George Brandis dehan katak Governu “labele konfirma lai kona-ba notísia hosi Neil Prakash ninia mate ba oras ne’e daudaun, tanba mosu inseguransa iha Síria nomós Irak”.
Prakash – ne’ebé koñesidu ho Abu Khaled al-Cambodi – mos deskunfia envolve ba iha planu atake iha Anzac Day, bainhira Australia fó onra ba ninia ema sira ne’ebé mate durante kombate.
Sevdet Besim, ho tinan 19 enfrenta ona akuzasaun haat relasiona ho planu atake iha 25-abril tinan kotuk. Komemora eventu refere hodi fó omenajen ba membru hosi Australian and New Zealand Army Corps (ANZAC) ne’ebé luta iha Gallipoli, durante I Guerra Mundiál, maka Anzac Day ohin loron hanesan loron memória ba sira ne’ebé “fó-aan no mate iha funu, konflitu nomós operasaun dame nian”.
SAPO TL ho Lusa