Ro Nakroma ne’ebe maka halao hela manutensaun iha Indonesia to’o agora seidauk bele fila mai Timor Leste tanba sei trata hela situasaun balun tan.
Ho atrazamentu ne’e, Vise Ministru Obras Publiku, Transporte no Komunikasoens (MOPTK), Inacio Moreira husu diskulpa ba publiku, tanba iha semana liu ba nia rasik dehan roo iha dalan ona no loron ida bele to’o ona mai Timor Leste, mas to’o sem,ana ona ro ne’e la mosu hela deit.
“Hau husu diskulpa ba publiku liu-liu povu Oecusse ho Ataoru, tanba hau hau koalia ona katak ro Nakroma mai tiha ona maibe, ro ne’e to agora seidauk mai,” hateten Inacio Moreira ba jornalista sira iha nia servisu fatin Caicoli, Segunda (18/01/2016).
Inacio informa katak, ro Nakroma atrazu, tanba dokumentus balun kona ba ro nian seidauk trata hotu, maibe MOPTK propoin ona atu ro Nakroma ne’e rejista ho bandeira TL rasik.
‘’Ami hanoin aselera lalais rejime registu, tan ne’e mak aproveita ro ba halo manutensaun, aproveita regista navius mesak,’’ informa Inacio Moreira.
Inacio sublinha katak, tan ne’e mak oras ne’e dadaun sira prepara hela dokumentos hotu hodi ba regista ro ne’e ho Timor Leste nia naran ho razaun ne’e mak ro ne’e sei atraza.
Inacio mos esklarese katak, nia orienta ona director portu Dili ho nia asesor katak, bainhira ro Nakroma mai tenki liu husi Oekuse hodi nune’e bele tula kedas pasajeirus iha Oekuse. nia
Jornal Nacional