Programa frequent Flyer, hahu lao Kedas iha ikus husi tinan 2015.
Membership nee fornese serbisu especial inklui ba hili tur fatin bainhira atu viajem no halo ho Pontus barak ne’ebe bele hetan billete gratuita. Ba viajen ida-idak ne’ebe halo ho Air Timor, membru sira sei rai hamutuk Pontus ne’ebe bele to’o ba billete klase ekonomia ou klase ezekutivu.
“Hodi Rekonhese Ami nia kliente sira ne’ebe sempre viajem ho Air Timor no ami fiar katak kliente ne’ebe sempre Viajem ho Air Timor Sei Hetan Pontus nee’ebe Bele manan billete ida,” dehan Syed Abdul Rahman Nuudar manager Air Timor ba Timor-Leste no Bali.
Manage ne’e hatutantan katak, “Ami hamutuk Parseiru atu Fornese benefisiu adisional ba ami nia membru inklui diskonta ba hotel, supermerkadu no restorante iha Dili, Indonezia no Singapura no sei dezemvolve membership ida ne’e ba oin”.
Air Timor mos oferese Mobile Apps, hanesan produtu foun ida neebe sei fornese hodi fasilita diak liu tan ba viajante sira hodi bele sosa billete liu husi sira nia telemovel. Ba versaun apple IOS agr dadaun iha ona husi apple itunes.
“Mobile Apps ne’e dezenhadu sai nundar opsaun ida ba vizitante sira atu halo rezerva ba sira nia billete, online check in no sai hanesan membru Frequent flyer,”dehan Andisuari.
Deputi Chief operating Officer Air Timor haktuir mos, agora dadaun ami iha hela prosesu atu kria versaun android ida ne’ebe bele sosa liu husi Google play iha fulan tolu oin mai.”
Mobile Apps ida ne’e sei fasilita lalais atu kliente sira imidiatamente halo rezerva billete husi sira nia telemovel rasik iha ne,ebe deit no kualker tempu, bainhira sira iha rede internet.
Rádio Liberdade Dili