Ministerio Edukasaun (ME) liu husi Inspesaun Jeral (IJ-ME), rekuinese katak Ministeriu Edukasaun iha problema barak liu kompara ho Ministeriu sira seluk iha governu tamba funsionariu barak liu.
“Atu dehan deit katak Inspesaun Jeral Ministerio Edukasaun (ME) nian, ne’ebe hanesan ita boot sira hatene katak ME nudar ministerio ida ne’ebe bele dehan persentasi problema ne’e as liu kompara ho minsiterio sira seluk ,”Adjuntu IJ-ME , Evaresto Canto ba jornalista sira iha nia servisu fatin Vila Verde Segunda (11/1) relasiona ho kaju involvimentu funsionariu ME balun iha fulan Outobro Tinan 2015 ne’ebe baku inan feto ida no seluk tan husi Munisipio Esrema ne’ebe too agora sidauk iha rejultadu investigasaun.
Evarestu afirma, problema hun no barak ne’e tanba mai husi numeru porsentu funsionariu ME nian ne’ebe barak demais ne’ebe iha tinan 2015 nia laran deit sidauk tinan hirak kotuk liu ba nia kaju deit barak ona mesmu nia totalidade sidauk bele fo sai ho rajaun tanba foin iha prosesu elaborasaun.
Nia haktuir kaju ne’ebe barak liu iha nivel Nasional ne’ebe nudar centro, ne’ebe kaer direita husi IJ-ME tantu husi Munisipio ME iha grupo espetivu husi ME nian ne’ebe mos kaer direita husi grupu refere.
“Numeru fiksu lolos ne’e ami sidauk bele fo sai tanba agora dadauk, ami iha tempu ida ne’ebe elabora hela relatoriu anual,” Adjuntu ne’e haktuir.
Nia esplika tipu ba kaju ne’ebe mak ME registu mak kaju mal administrasaun, kaju pesoal, inklui gastu osan no seluk tan nomos indisiplinar.
Tipu kaju hirak ne’e nia prosesu la hanesan , ejemplo kaju indisiplina, IJ-ME halao hotu investigasaun , nia rejultadu sei rekomenda kedas ba iha Direktor Jeral Servisu Koorporativu hodi kontinua enkaminha ba iha Komisaun Funsaun Publiku.
Nia esplika, kaju barak ne’ebe tuir nia ahtene tama ona iha Comisaun Funsaun Publiku ezemplo kaju eis superintendente balun ne’ebe abandona servisu inklui.
“Ita bele dehan katak uluk sira sei lori kargu ne’e sira badinas maibe depois de kargu ne’e troka tiha sira mos sente dezanima tiha servisu ne’ebe dala ruma too tinan, ida ne’e ami prosesu tiha,”Nia esplika.
Husi kaju hirak ne’e Uja sala osan, mal adminsitrasaun no seluk tan ne’e abandona servisu mak sai nudar numeru as komapra ho kaju sira seluk maske sidauk iha dadus fiksu maibe ida ne’e mak tuir adjuntu refere kategoria iha numeru ida ne’ebe bot tanba hahu husi funsionariu too profesores.
Nia esplika liu tan, dala ruma kaju abandona servisu nee bele akontese laos ho problema ida deit maibe ho problema rua ne’ebe dala barak suspeitu tenki prosesu liu husi kaju rua mak kaju kona ba uja osan sala, no abandona servisu tanba dala barak sira uja sala ona osan entaun nia sempre abandona ona servisu nune’e ME tenki prosesu nia tuir hahalok rua ne’ebe nia halo liu husi Comisaun Funsaun Publiku.
“Hau labele temi nia totalidade maibe ezemplu mak hensan ohin hau temi ne’e tanba ami sidauk tau hamutuk hotu,”Nia esplika.
To’o ohin loron IJ-ME sidauk iha tabele kona ba kaju hira mak prosesu ona no hira mak sidauk i hira mak rejolve ona tanba tuir adunju ne’e katan sidauk tanba kaju hirak ne’e husi loron ba loron sempre iha i barak liu tan ne’ebe la fo tempu ba sira atu halo rekapitulasaun ne’ebe dala barak halo auditoria sira mos atrapilha tanba kaju ida sidauk hotu aumenta tan kaju seluk.
Alemde tanba kaju barak sempre mosu, problema seluk ne’ebe difikulta servisu IJ-ME kaju abrak mak la konsege hotu iha tinan kotuk tanba menus rekursus humanus inklui mos falta de kapasidade ba rekursus ne’ebe iha entermos oinsa halo investigasaun no oinsa atu halo relatoriu ne’ebe sai dejafiu oinsa sir abele remata investigasaun ne’ebe tenki halo tuir rekursus ne’ebe iha. Ola
Jornal Nacional