Lei pensaun vitalisia (PV) henesan lei traisaun ba povu tanba politika ne’ebe kria gap entgre povu kiik no ema eleitu liu liu eis titular sira.
“Hau dehan nee hanesan intituisaunn social tanba valor husi ema nia luta nee maka ema nia libertasaun, maibe laos libertasaun ba hamosu fali grupu elitu husi pensaun vitalisia,” hateten koordenador advokasia HAK, Honorio de Almeida ba jornalista iha nia knar fatin, Tersa (12/1/2016).
Lei pensaun vitalisia ne’e, tuir Honroio Almeida, kria kondisaun no ignora tiha povu nia terus tanba povu sei moris ki’ak maibe ukun nain sira hetan pensaun vitalisia.
Lei pensaun vitalisia nee hanesan tarisaun neebe maka lider sira halo politiku sira hali hasoru povu kiik, se kompara povu neebe maka moris iha area rural.
Tuir estimasaun katak, povu ki’ik sira nia rendientu loron ida menus husi US$ 0.50, maibe eis titular sira goja ho pensaun vitalisia no goja povu nia osan ne’ebe mai husui Timor Gap.
“Hau nia prespetiva se lei pensaun vitalisia maka nafatin la halo mudansa diak liu povu tenke halo nia konsensia ba nia aan rasik atu hili nia representante povu, tanba durante tinan 10 resin ona, representante povu ne’ebe povu fo ona fiar maibe la intrese defende povu nia intrese, maibe intresesira nia grupo ou ba pessoal deit nia realidade maka pensaun vitalisia,” hateten Honorio Almeida. lj3
Jornal Nacional