José Luís Peixoto (Portugál), Germano de Almeida (Kabuverde) no Luandino Vieira (Angola) mak partisipante balun iha edisaun daneen hosi Enkontru Eskritór sira Lia- portugés nian, ne’ebé sei hala’o iha fulan-fevereiru iha kapitál kabuverdiana.
Enkontru ne’ebé promove hosi União das Cidades Capitais de Língua Portuguesa (UCCLA) no halo parseria ho kámara munisipál Praia ne’e hodi "kontribui ba diálogu no hariku resíproku entre eskritór sira hosi kontinente oioin", haktuir organizasaun ne’e iha komunikadu.
Iha enkontru ne’e sei partisipa eskritór sira hosi nasaun lia-portugés hotu no hosi rejiaun administrativa espesiál Makau.
Iha edisaun daneen hodi enkontru ne’e, ne’ebé sei hala’o entre loron 01 no 03 fevereiru, sei analiza tema sira "Literatura no Diáspora", "Literatura no Insularidade" no "Poezia ho Múzika".
Ana Paula Tavares, José Luís Mendonça no Luandino Vieira (Angola), João Paulo Cuenca (Brazil), Abraão Vicente, Germano Almeida no Vera Duarte (Kabuverde), Odete Semedo (Giné-Bisau), Ricardo Pinto no Yao Jing Ming (Makau), Luís Patraquim no Paulina Chiziane (Mosambike), João de Melo, José Carlos Vasconcelos, José Fanha, José Luís Peixoto, Miguel Real no Zeca Medeiros (Portugál), Goretti Pina (Saun Tomé no Prínsipe) no Luís Cardoso (Timor-Leste) sei marka prezensa iha enkontru ne’e.
Programa enkontru ne’e, ne’ebé sei konta ho prezensa Prezidente Repúblika Kabuverde nian, Jorge Carlos Fonseca, inklui omenajen ida ba poeta kabuverdianu Corsino Fortes, ne’ebé mate iha veraun, no ba mós eskritór kabuverdianu Germano de Almeida.
Sei aprezenta mós prémiu Cabo-Verdiano de Literatura do BCA, halo parseria ho Academia Cabo-verdiana de Letras no Prémio Literário UCCLA "Talentu Foun, Obra Foun iha Lia-portugés".
Iha ámbitu enkontru ne’e prevee mós inisiativa paralela oioin, liu-liu vizita ba Cidade Velha no Tarrafal de Santiago, inaugura espozisaun "Casa dos Estudantes do Império, 1944-1965. Farol da Liberdade" no realiza feira livru nian ida.
Enkontru Eskritór sira Lia-portugés nian iha tinan ne’e realiza iha Praia, hafoin edisaun haat uluk hala’o iha Natál (Brazil) no dalima iha Luanda (Angola).
SAPO TL ho Lusa - Eskritór timoroan Luís Cardoso - Foto: Samuel Soares
Iha enkontru ne’e sei partisipa eskritór sira hosi nasaun lia-portugés hotu no hosi rejiaun administrativa espesiál Makau.
Iha edisaun daneen hodi enkontru ne’e, ne’ebé sei hala’o entre loron 01 no 03 fevereiru, sei analiza tema sira "Literatura no Diáspora", "Literatura no Insularidade" no "Poezia ho Múzika".
Ana Paula Tavares, José Luís Mendonça no Luandino Vieira (Angola), João Paulo Cuenca (Brazil), Abraão Vicente, Germano Almeida no Vera Duarte (Kabuverde), Odete Semedo (Giné-Bisau), Ricardo Pinto no Yao Jing Ming (Makau), Luís Patraquim no Paulina Chiziane (Mosambike), João de Melo, José Carlos Vasconcelos, José Fanha, José Luís Peixoto, Miguel Real no Zeca Medeiros (Portugál), Goretti Pina (Saun Tomé no Prínsipe) no Luís Cardoso (Timor-Leste) sei marka prezensa iha enkontru ne’e.
Programa enkontru ne’e, ne’ebé sei konta ho prezensa Prezidente Repúblika Kabuverde nian, Jorge Carlos Fonseca, inklui omenajen ida ba poeta kabuverdianu Corsino Fortes, ne’ebé mate iha veraun, no ba mós eskritór kabuverdianu Germano de Almeida.
Sei aprezenta mós prémiu Cabo-Verdiano de Literatura do BCA, halo parseria ho Academia Cabo-verdiana de Letras no Prémio Literário UCCLA "Talentu Foun, Obra Foun iha Lia-portugés".
Iha ámbitu enkontru ne’e prevee mós inisiativa paralela oioin, liu-liu vizita ba Cidade Velha no Tarrafal de Santiago, inaugura espozisaun "Casa dos Estudantes do Império, 1944-1965. Farol da Liberdade" no realiza feira livru nian ida.
Enkontru Eskritór sira Lia-portugés nian iha tinan ne’e realiza iha Praia, hafoin edisaun haat uluk hala’o iha Natál (Brazil) no dalima iha Luanda (Angola).
SAPO TL ho Lusa - Eskritór timoroan Luís Cardoso - Foto: Samuel Soares