Portugal iha tinan ne’e sei hato’o medida hirak ne’ebé bele fasilita sirkulasaun hosi sidadaun, emprezáriu nomós estudante Komunidade Nasaun Lian Portugés nian (CPLP), tenik horisehik sekretáriu Estadu Negósiu Estranjeiru no Koperasaun, Teresa Ribeiro.
“Vistu maka hamosu atrazu ba mobilidade, komplika negósiu, komplika sirkulasaun hosi estudante, ema, emprezáriu nomós sai nu’udar bareira ida”, dehan governante ne’e ba jornalista sira, durante “Semináriu Koperasaun Internasionál – Dezenvolvimentu, Kultura no Lian” ne’ebé hala’o horisehik iha sede Camões Instituto da Cooperação e da Língua, Lisboa.
Teresa Ribeiro hateten katak Governu iha programa atu “avansa ho apoiu hosi parseiru sira, atu nune’e bele hamenus bareira ne’ebé iha” no hatutan tan katak, iha époka primavera ne’e sei hala’o reuniaun ministeriál (hamutuk ho xefe diplomasia CPLP) no iha jullu maka, simeira xefe Estadu hosi bloku luzófona.
“Ami aposta liu iha mobilidade ba estudante nomós emprezáriu sira. Sei kria estatutu sidadaun luzófona nian ida. No ami sei avansa tuir ninia faze”, dehan.
Portugal “sei aprezenta proposta ne’e no sei defende buat hirak ne’e”, tenik sekretária Estadu, hodi fó hanoin hikas katak Lisboa “la’os dona CPLP nian” no “desizaun hothotu ne’ebé foti ho konsensu”, no nia fi’ar katak proposta ne’e sei bele vantajen ba nasaun seluk.
Nasaun hirak ne’ebé halo parte ba CPLP maka hanesan Angola, Brazil, Kaboverde, Guiné-Bissau, Guiné Ekuatoriál, Portugal, Mosambike, São Tomé e Prínsipe no Timor-Leste.
SAPO TL ho Lusa
Teresa Ribeiro hateten katak Governu iha programa atu “avansa ho apoiu hosi parseiru sira, atu nune’e bele hamenus bareira ne’ebé iha” no hatutan tan katak, iha époka primavera ne’e sei hala’o reuniaun ministeriál (hamutuk ho xefe diplomasia CPLP) no iha jullu maka, simeira xefe Estadu hosi bloku luzófona.
“Ami aposta liu iha mobilidade ba estudante nomós emprezáriu sira. Sei kria estatutu sidadaun luzófona nian ida. No ami sei avansa tuir ninia faze”, dehan.
Portugal “sei aprezenta proposta ne’e no sei defende buat hirak ne’e”, tenik sekretária Estadu, hodi fó hanoin hikas katak Lisboa “la’os dona CPLP nian” no “desizaun hothotu ne’ebé foti ho konsensu”, no nia fi’ar katak proposta ne’e sei bele vantajen ba nasaun seluk.
Nasaun hirak ne’ebé halo parte ba CPLP maka hanesan Angola, Brazil, Kaboverde, Guiné-Bissau, Guiné Ekuatoriál, Portugal, Mosambike, São Tomé e Prínsipe no Timor-Leste.
SAPO TL ho Lusa