Konsellu Seguransa Nasoins Unidas nian "kondena maka’as" horisehik ensaiu nukleár hosi Koreia Norte no sei prepara "medida suplementár" kontra Pyongyang.
Iha deklarasaun ne’ebé adota ho unanimidade, nasaun-membru 15 Konsellu nian, inklui Xina aliada Pyongyang nian, konsidera teste ne’e hanesan ameasa ba dame no seguransa internasionál" no indika katak deside ona atu "hahú servisu kona-ba medida hirak ne’e", ne’ebé sei hatama iha "rezolusaun foun Konsellu Seguransa nian".
Embaixadór uruguaiu Elbio Rosselli, ne’ebé iha fulan-janeiru okupa funsaun hanesan prezidente, rekorda katak Konsellu ameasa ona atu adota "medida foun no signifikativa " karik Pyongyang viaola rezolusaun ONU nian kona-ba teste nukleár foun.
"Relasiona ho kompromisu ne’e no violasaun boot ne’e, membru sira Konsellu Seguransa nian sei hahú servisu ho medida hanesan iha rezolusaun foun Konsellu Seguransa nian", tenik Rosselli.
Maski laespesifika medida adisionál sira, diplomata sira seluk konfirma katak konsidera asosia naran foun ba lista sansaun nian.
Koreia Norte hatete horisehik katak hala’o "ho susesu" ensaiu ho bomba idrojéniu miniaturizada, anúnsiu ne’ebé sei konfirma atu permite reforsu ho ambisaun hosi arsenál nukleár iha nasaun aziátiku izoladu ne’e.
Sekretáriu-jerál ONU nian, súl-koreanu Ban Ki-moon, refere ba teste ida ne’ebé " perturbante tebes no dezestabilizadór ba seguransa rejionál" no viola rezolusaun barak Konsellu nian.
Teste tolu liubá, iha 2006, 2009 no 2013 implika aprovasaun no aplika sansaun oioin mak dirije ba rejime norte-koreanu.
Atualmente, ezistem entidade 20 no naran individuál 12 iha "lista metan" sansaun nian hosi ONU.
SAPO TL ho Lusa
Embaixadór uruguaiu Elbio Rosselli, ne’ebé iha fulan-janeiru okupa funsaun hanesan prezidente, rekorda katak Konsellu ameasa ona atu adota "medida foun no signifikativa " karik Pyongyang viaola rezolusaun ONU nian kona-ba teste nukleár foun.
"Relasiona ho kompromisu ne’e no violasaun boot ne’e, membru sira Konsellu Seguransa nian sei hahú servisu ho medida hanesan iha rezolusaun foun Konsellu Seguransa nian", tenik Rosselli.
Maski laespesifika medida adisionál sira, diplomata sira seluk konfirma katak konsidera asosia naran foun ba lista sansaun nian.
Koreia Norte hatete horisehik katak hala’o "ho susesu" ensaiu ho bomba idrojéniu miniaturizada, anúnsiu ne’ebé sei konfirma atu permite reforsu ho ambisaun hosi arsenál nukleár iha nasaun aziátiku izoladu ne’e.
Sekretáriu-jerál ONU nian, súl-koreanu Ban Ki-moon, refere ba teste ida ne’ebé " perturbante tebes no dezestabilizadór ba seguransa rejionál" no viola rezolusaun barak Konsellu nian.
Teste tolu liubá, iha 2006, 2009 no 2013 implika aprovasaun no aplika sansaun oioin mak dirije ba rejime norte-koreanu.
Atualmente, ezistem entidade 20 no naran individuál 12 iha "lista metan" sansaun nian hosi ONU.
SAPO TL ho Lusa