Haree tubaraun 60 resin horikedas loron-tersa iha tasi-ibun populár sira iha kosta leste Austrália nian ne’ebé, tinan ne’e, hanesan palku hosi totál atake 14, ida hosi sira ne’e mortál, informa 'media' lokál sira horisehik.
Xefe patrulla aérea australiana, Harry Mitchell, hatete katak nia servisu haree tubaraun 60 resin entre loron-tersa no kuarta iha zona ida entre tasi-ibun Stanwell Park no Mollimook, respetivamente, iha kilómetru 54 no 225 iha súl Sydney nian, haktuir jornál Daily Telegraph horisehik.
Autoridade sira nabdu atu hariis tasi iha tasi-ibun turístika sira Jarvis Bay nian, iha kilómetru 197 iha súl Sydney nian, hafoin detekta prezensa, iha tasi ladun klean, hosi tubaraun 30, hosi entre metru 2,5 no 3,5, tuir ajénsia notisioza lokál AAP.
"Tubaraun, tubaraun, literalmente iha tasi ho profundidade metru ida", Harry Mitchell esplika.
Iha loron-tersa loro-kraik, patrulla aérea ida perkorre área ne’ebé haleu areál Port Kembla, kilómetru 86 súl Sydney nian, hafoin surfista ida informa katak ni haree tubaraun ida, no detekta katak ne’e tubaraun martelo ida.
Haree mós tubaraun lima seluk iha Warilla, kilómetru 101 iha súl Sydney nian, haktuir diáriu australianu ne’e.
Iha finál fulan-outubru fó sai katak “drones” sei halo vijilánsia ba tasi-ibun populár sira iha Austrália hanesan parte hosi estratéjia foun hodi mantein seguransa ba ema sira mak bá hariis iha ne’ebá, hafoin akontese atake balun.
Insidénsia atake ho tubaraun sira iha Austrália hanesan mós ida ne’ebé aas liu iha mundu.
SAPO TL ho Lusa
Autoridade sira nabdu atu hariis tasi iha tasi-ibun turístika sira Jarvis Bay nian, iha kilómetru 197 iha súl Sydney nian, hafoin detekta prezensa, iha tasi ladun klean, hosi tubaraun 30, hosi entre metru 2,5 no 3,5, tuir ajénsia notisioza lokál AAP.
"Tubaraun, tubaraun, literalmente iha tasi ho profundidade metru ida", Harry Mitchell esplika.
Iha loron-tersa loro-kraik, patrulla aérea ida perkorre área ne’ebé haleu areál Port Kembla, kilómetru 86 súl Sydney nian, hafoin surfista ida informa katak ni haree tubaraun ida, no detekta katak ne’e tubaraun martelo ida.
Haree mós tubaraun lima seluk iha Warilla, kilómetru 101 iha súl Sydney nian, haktuir diáriu australianu ne’e.
Iha finál fulan-outubru fó sai katak “drones” sei halo vijilánsia ba tasi-ibun populár sira iha Austrália hanesan parte hosi estratéjia foun hodi mantein seguransa ba ema sira mak bá hariis iha ne’ebá, hafoin akontese atake balun.
Insidénsia atake ho tubaraun sira iha Austrália hanesan mós ida ne’ebé aas liu iha mundu.
SAPO TL ho Lusa