Naufrájiu ró kruzeiru "Estrela Oriental" iha riu Yangtze, iha Xina, ne’ebé akontese iha fulan-juñu liubá no hamate ema na’in 442karik tanba kauza naturál, informa Governu xinés horisehik, iha komunikadu mak fó sai hafoin halo investigasaun durante fulan neen.
Tuir autoridade sira, asidente aat liu ne’ebé akontese tinan ne’e iha nasaun tanba "fenómenu meteorolójiku ne’ebé ladi’ak", no temporál ho korrente ne’ebé maka’as hamosu tormenta no anin de repente hodi baku fila embarkasaun.
Komunikadu ne’ebé fó sai hafoin reuniaun semanál Konsellu Estadu (Ezekutivu) nian, refere mós katak detekta falla iha administrasaun no supervizaun hosi parte empreza responsável ba embarkasaun.
Responsável 43 sei hetan sansaun, haktuir dokumentu ne’e.
"Estrela Oriental", ho andár haat, komprimentu metru 76,5 no tonelada 2.200, hala’o viajen entre Nanjing no Chongqing, populár kruzeiru turístiku iha riu Yangtze.
Hosi ema na’in 456 ne’ebé iha ró kruzeiru laran na’in 14 de’it mak hetan tulun sei moris hafoin naufrájiu – ne’ebé aat liu iha Xina kuaze tinan 70.
SAPO TL ho Lusa
Tuir autoridade sira, asidente aat liu ne’ebé akontese tinan ne’e iha nasaun tanba "fenómenu meteorolójiku ne’ebé ladi’ak", no temporál ho korrente ne’ebé maka’as hamosu tormenta no anin de repente hodi baku fila embarkasaun.
Komunikadu ne’ebé fó sai hafoin reuniaun semanál Konsellu Estadu (Ezekutivu) nian, refere mós katak detekta falla iha administrasaun no supervizaun hosi parte empreza responsável ba embarkasaun.
Responsável 43 sei hetan sansaun, haktuir dokumentu ne’e.
"Estrela Oriental", ho andár haat, komprimentu metru 76,5 no tonelada 2.200, hala’o viajen entre Nanjing no Chongqing, populár kruzeiru turístiku iha riu Yangtze.
Hosi ema na’in 456 ne’ebé iha ró kruzeiru laran na’in 14 de’it mak hetan tulun sei moris hafoin naufrájiu – ne’ebé aat liu iha Xina kuaze tinan 70.
SAPO TL ho Lusa